Bu gün sizi özümün istifadə etdiyim sadə bir texnika ilə tanış etmək istəyirəm. Təcrübədə 1c (7.7) proqramından çıxan hər hansı bir hesab kartı (карточка счета) ilə işləmək məcburiyyətində qalıram.

Həmin kartı exceldə saxlayanda belə bir şəkil alınır:

1C

Bildiyiniz kimi bu tip cədvəli exceldə analiz etmək elə də asan deyil. Çünki C sütununun əməliyyatlar bölməsinə filtr vermək effektiv olmur. Bu baxımdan mən bu tip cədvəllərlə işləyəndə Əməliyyatlar sütununda olan məlumatları ayırıram. Bu üsulu addım-addım sizinlə bölüşmək istəyirəm.

Bunun üçün boş bir K sütununa =SUBSTITUTE(C6;CHAR(10);"@") formulasını yazırıq:

1C

Bu formula əməliyyat xanasında olan sətirləri “@” işarə ilə ayırır. Siz özünüz formulada düzəliş edərək istənilən digər işarəni seçə bilərsiniz. Nəticədə belə bir cədvəl alınır:

1C

Həmin xananı aşağıdakı sütünlara kopyalayırıq:

1C

Bu addımdan sonra k sütununu formulalardan təmizləmək lazımdır. Yazılar olan sütunu seçirik, copy-paste spesial-value komandasından istifadə edirik.

Bundan sonra excelin Text to column adlanan bir funksiyasından istifadə edəcəyik.

1C

K sütununu seçirik və Text to column funksiyasına tıklayırıq:

1C

Next seçirik, növbəti pəncərədə “Other” bölməsini işarələyirik və əl ilə “@” simvolunu daxil edirik:

1C

Son addım kimi Finiş düyməsinə basırıq:

1C

Bu şəkildən gördüyünüz kimi Əməliyyat xanalarında olan məlumatların hər biri ayrıca sütuna çevrilir. Artıq bu xanalara ayrı-ayrılıqda filtr tətbiq etməklə müxtəlif analizlər aparmaq olar:

1C

Müəllif: Zaur İsmayılov

 

Print Friendly, PDF & Email