68 milyon manat mənimsəyən sinqapurlu mühasib

posted in: muhasibat, Xəbər | 0

68 milyon manat mənimsəyən sinqapurlu mühasib

mühasibYüksək məhkəmə mühasibi 40 milyon dollarlıq mənimsəmədə təqsirli bildi. Sinqapurda bir neçə şirkəti 40 milyon dollar məbləğində aldadan sertifikatlı mühasib ömürlük həbs cəzasına məhkum olunub.

65 yaşlı Eve Panq Kooy ləğv etməli olduğu 21 şirkətdən və maliyyə işləri ilə məşğul olduğu daha iki şirkətdən 10 il ərzində pulları mənimsəməklə məşğul olub. O, həmin məbləğlərdən özünün qumar oyunlarına olan hərisliyini söndürmək üçün istifadə edib.

Malayziya sakini olan Eve məhkəmədə 50 cinayət ittihamı üzrə mühakimə olunub. Belə ki, o, peşəkar agent qismində etibar qazandıqdan sonra bu dələduzluq əməllərinə əl atıb.

Məhkəmədə məlum olub ki, 21 şirkətin ləğvi üzrə məsul şəxs təyin edilən Eve, kreditorlara ödənişlər etmək və ya onlara aktivlərini qaytarmaq üçün şirkətlərin bank hesabları və aktivlərinə nəzarət edib.

Amma, bunun əvəzində o, səlahiyyətli imza sahibi kimi aktivləri müxtəlif bank hesablarına köçürüb. O, nəzarətində olan digər iki şirkətin aktivlərindən də eyni metodla istifadə edib.

Məbləğlərə çıxış üçün öz imzasından əlavə digər imzalar da lazım gəldikdə, Eve çekləri şirkətlərlə əlaqəli bank hesablarına təqdim etməzdən öncə onları digər səlahiyyətli şəxslərə imzalatdırıb.

2002-ci ilin fevral ayından, 2012-ci ilin iyul ayına kimi o, həmin vəsaitlərdən özünün qumar vərdişini qidalandırmaq üçün istifadə edib. Yəni, borclarını bağlayıb və ya ələ keçirdiyi müəyyən məbləğləri bərpa etməyə sərf edib.

Eve cinayət əməlllərinə görə məhkəmə tərəfindən agent qismində etibarı itirməsi səbəbiylə ömürlük həbs cəzasına və böyük məbləğdə cərimə ödəməyə məhkum olunub.      

Mənbə: www.straitstimes.com


TELEGRAM KANALIMIZA ÜZV OLUN


Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Print Friendly, PDF & Email

Leave a Reply

Your email address will not be published. Required fields are marked *