Qazaxıstan parlamenti dövlət təyyarələrinin uçuşları üçün aeronaviqasiya yığımları üzrə ABŞ ilə imzalanmış sazişi ratifikasiya etmişdir.
Saziş bu il yanvarın 12-də Qazaxıstan Prezidenti Nursultan Nazarbayevin ABŞ-a rəsmi səfəri zamanı Vaşinqtonda imzalanmışdı. Sənəd hökumət nümayəndələrini daşıyan dövlət təyyarələrinin qarşılıqlı şəkildə aeronaviqasiya yığımlarından azad edilməsini nəzərdə tutur. “Sazişin müddəalarının yerinə yetirilməsi üçün tərəflər hər bir uçuş üzrə müvafiq diplomatik icazə verəcəklər”, – Qazaxıstanın investisiyalar və inkişaf naziri Jenis Kasımbek bildirmişdir.
Sazişdə müəyyənləşdirilmiş normalar tranzit uçuşlarına, eləcə də dövlət məqsədləri üçün istifadə edilməyən təyyarələrə və kommersiya məqsədi daşıyan hər hansı fəaliyyətə şamil edilməyəcək.
Mənbə: vergiler.az
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
