Avropada region iqtisadiyyatının işıqlı gələcəyi şübhə altına düşüb. Avropa ittifaqında iqtisadi əhval indeksi, koronavirus ilə bağlı vəziyyətin pisləşməsi və infeksiyanın qarşısının alınmasına yönəlmiş yeni məhdudiyyətlərin tətbiqi fonunda noyabr ayında kəskin şəkildə azalıb. Bu haqda Bloomberg yazıb.
Ay ərzində göstərici 91,1 bənddən 87,6 bəndə düşüb. Ən bədbin olanlar pərakəndə satıcılar, xidmət təminatçıları və istehlakçılardır. Sənayedə və tikintidə əhval-ruhiyyənin az da olsa pisləşməsi müşahidə edilir. AB-də məşğulluq gözləntisi göstəricisi iki aydır ardıcıl olaraq azalır.
Bundan əvvəl məlum olub ki, bir çox Avropa dövlətlərinin hakimiyyətləri COVİD-19 ilə bağlı məhdudiyyətlərin müddətini uzadıb. Belə ki, Almaniya qismən təcridolunma müddətini ən azı dekabrın 20-dək uzadıb, Fransada isə iaşə sahəsi üçün sərt şərait yaradılıb. Yerli restoranlar 2021-ci il yanvar ayının 20-dən tez açılmayacaq. Məhdudiyyətlərin uzadılmasının 2020-ci ilin dördüncü rübündə iqtisadi göstəricilərə mənfi təsir edəcəyi gözlənilir.
Bundan əvvəl agentlik koronavirusdan ən az zərər çəkmiş Avropa ölkəsinin adını çəkmişdi. Həmin ölkə Litva olub, belə ki, ilin yekununa görə bu ölkədə ÜDM yalnız 2,2 faiz aşağı düşəcək. Ekspertlərin bildirdiyinə görə, bu ölkənin iqtisadiyyatı turizmdən asılı deyil, yerli fermerlər yaxşı məhsul yığıblar, logistik şirkətlər isə internet-sifarişlərin sayının artması ilə əlaqədar qazanc əldə ediblər.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
