Avropa Parlamentinin iqtisadiyyat və valyuta məsələləri üzrə Komitəsi Avropa İttifaqının (Aİ) əlavə dəyər vergisi (ƏDV) sahəsində inzibati əməkdaşlığın genişləndirilməsi üzrə Komissiyasının düzəlişlərində bir sıra dəyişikliklər olunmasını təklif etmişdir.
Təklif olunan dəyişikliklərə Aİ daxilində vergi fırıldaqçılığına qarşı mübarizə sahəsində məsul olan qurumlar arasında daha sıx əməkdaşlıq emtəyə şərait yaradan müddəalar daxildir. Cinayətkarlıq əməllərinin təhlili, vergitutma, uçot və informasiya texnologiyaları kimi sahələrdə ekspert biliklərini bir araya gətirmək, həmçinin heç bir dil maneəsi olmadan əlaqə kanallarının fasiləsiz işini təmin etmək məqsədilə yeni dövlət prokurorluğu yaratmaq rəklif edilir. Bundan əlavə, Aİ üçüncü tərəfi təmsil edən ölkələrlə əməkdaşlıq sazişləri bağlamaq niyyətindədir və ilk belə saziş bu ilin fevral ayında Norveç ilə imzalanmışdır.
Komitə «bir tərəfdən sorğular ilə informasiyanın təhlili arasında, digər tərəfdən də məlumatların qorunması ilə məxfilik arasında düzgün tarazlığın təmin olunması» məqsədilə qanunvericilikdə düzəlişlər aparılmasını tövsiyə etmişdir.
Aİ-nin yaxın zamanlarda vergitutmanın təyinat prinsipinə əsaslanan ƏDV rejiminə keçməsi üçün yekun qərar verəcəyi gözlənilir. Bu rejim çərçivəsində mallar və xidmətlər qeydiyyat yeri üzrə deyil, faktiki fəaliyyət yeri üzrə vergiyə cəlb ediləcək.
Mənbə: vergiler.az
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
