Bu ilin yanvarın 1-nə Azərbaycanda xarici müəssisələrin sayı 11 145 vahid, birgə müəssisələrin sayı 2 870 vahid təşkil edib. (xarici müəssisə)
Müvafiq olaraq xarici müəssisələrin sayında illik 34%, birgə müəssisələrin sayında isə illik 17% artım qeydə alınıb.
Rəsmi statistikaya əsasən, 2019-cu il ərzində 2 882 xarici müəssisə (100% xarici investisiyalı), 359 birgə müəssisə yaradılıb, 73 xarici müəssisə, 6 birgə müəssisə isə ləğv edilib.
Reyestrdə qeydiyyatdan keçmiş statistik vahidlərdən tam xarici investisiyalı və birgə müəssisələr əsasən Türkiyə (23,7%), İran (10,5%), Rusiya (5,3%), Böyük Britaniya (5%), ABŞ (2%) və Almaniya (1,2%) ölkələrinin sahibkarları tərəfindən yaradılıb.
Qeyd edək ki, 2019-cu il ərzində statistik vahidlərin (fərdi sahibkarlar istisna olmaqla) sayı 12,2% artaraq, 2020-ci il yanvarın 1-i vəziyyətinə 146 233 olub. Bunun da 10 607 və ya 7,2%-ni dövlət, 1 724 və ya 1,2%-ni bələdiyyə və 133 902 və ya 91,6%-ni xüsusi müəssisələr təşkil edib.
Mənbə: apa.az
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
xarici müəssisə, xarici müəssisələrin sayı
