Aztəminatlı rusiyalıları uşaq bağçalarına görə ödənişlərdən azad etmək barədə təklif irəli sürülüb. Belə ki, vətəndaşların həyatının yüngülləşdirilməsi ilə bağlı sözügedən təklif müzakirə üçün Dövlət Dumasına və hökumətə Milli valideyn komitəsinin sədri İrina Volınets tərəfindən göndərilib. Onun bununla bağlı sözlərini “Danışır Moskva” radiostansiyası səsləndirib.
Bu təklif adambaşına düşən aylıq gəliri iki yaşayış minimumundan az olan ailələrə şamil oluna bilər.
İyun ayının sonunda Dövlət Dumasının deputatı Vasiliy Vlasov uşaq bağçasında yerdən imtina edən ailələrə hər ay müavinət ödənilməsi ilə bağlı təklif irəli sürmüşdü. Onun fikrincə, belə bir tədbir uşaq bağçalarında növbələrin azalmasına gətirib çıxara bilərdi.