Bağışlanan borc vergiyə cəlb edilir?
Sual: 99.3.5.-ci maddəyə əsasən borcu bağışlanan şəxs 102.1.3.-ci maddəni tətbiq edə bilər?
Cavab: Bildiririk ki, işçinin işəgötürənə olan borcunun və ya öhdəliyinin bağışlanıldığı hallar istisna olmaqla, digər hallarda bağışlanmış borcun məbləği vergi ödəyicisinin qeyri-sahibkarlıqdan əldə etdiyi gəlir hesab olunur.
Vergi Məcəlləsinin 102.1.3-cü maddəsinə əsasən təqvim ilində hədiyyələrin dəyərinin 1000 manatadək olan hissəsi gəlir vergisindən azad edildiyini nəzərə alaraq, təqvim ili ərzində bağışlanmış borc-un 1000 manatdan artıq hissəsi vergiyə cəlb olunur.
Əsas: Vergi Məcəlləsinin 13.2.4-cü, 99.3.5-ci və 102.1.3-cü maddələri.
Mənbə: taxes.gov.az