Bu gün Ümumdünya Gömrük Təşkilatının Bakı şəhərindəki Potensialın Gücləndirilməsi üzrə Avropa Regional Ofisində “Hi-Scan-Hi-Trax II” baxış-rentgen texnikasının istismar qaydalarına dair operator təlimi başlayıb.
Dövlət Gömrük Komitəsindən (DGK) verilən məlumata görə, DGK əməkdaşları üçün nəzərdə tutulan təlimdə öncə sözügedən avadanlıq haqqında videoçarx nümayiş etdirilib.
Aydın Kərimovla mühasibat uçotu kursu
Sonra təlimçilər tərəfindən “Hi-Scan-Hi-Trax II” baxış-rentgen texnikasının istismar qaydaları barədə məlumat verilib.
Qeyd edilib ki, avadanlığın iş prinsipi, istismar qaydaları, təyinatı barədə biliklərin dərindən öyrənilməsi gömrük işinin səmərəli təşkilinə, gömrük nəzarətinin daha effektiv şəkildə həyata keçirilməsinə şərait yaradacaq.
Təlimi DGK-nın müvafiq sahə üzrə beynəlxalq dərəcəli təlimçiləri statusunu almış əməkdaşları – Gömrük Əməliyyatlarının Tənzimlənməsi İdarəsinin rəisi Anar Məmmədov, idarənin Skanlaşdırma və Texniki Nəzarət Vasitələrinin Tətbiqi şöbəsinin rəisi Əmir Əsədov və Naxçıvan MR Dövlət Gömrük Komitəsi Yoxlama-baxış sistemlərinin istismarı şöbəsinin rəisi Əkrəm Məmmədov aparır.
Beş gün davam edəcək təlimin sonunda uğurlu nəticə əldə edən iştirakçılara sertifikatlar veriləcək.
Mənbə: report.az
Bax: “Kənar audit və maya dəyəri” mövzusunda təlim keçiriləcək
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
