Bitkoinin qiyməti tarixi rekordu yenilədi: onun qiyməti ilk dəfə olaraq 27 min dolları ötüb keçib. CoinDesk-in məlumatları bunu göstərir.
Məlumata görə, kriptovalyutanın qiyməti 11,47 faiz bahalaşaraq, 27 603 ABŞ dollarına yüksəlib.
Bu ərəfədə bitkoin gün ərzində iki dəfə tarixi rekordu yeniləyərək, 26 min ABŞ dollarına yüksəlmişdi. Buna qədər virtual valyuta dekabrın 20-də rekord dəyərə imza atmışdı – həmin gün ilk dəfə olaraq, onun dəyəri 24 min dolları ötüb keçmişdi.
Hazırda, investorlar Federal ehtiyat sisteminin (FES) və digər mərkəzi bankların iqtisadiyyata böyük miqyaslı dollar cəlb etmələrinə görə riskli əməliyyatlara gedirlər. Ayrıca, kriptovalyutanın qiymətinə, təsirli peyvəndlərin ortaya çıxması səbəbilə koronavirus pandemiyasının məğlub olacağı xəbərindəki ümumi müsbət amillər də öz təsirini göstərir. Morgan Stanley, yaxın gələcəkdə bitkoinin tədricən dolları əvəz edə və ehtiyat valyuta statusundan məhrum edə biləcəyini də istisna etmir.