Blog Full - Muhasibat.Az

Oxunma sayı: 15. 752

14 Noy 2020

Dünya avtomobil nəhəngi bir eksperiment üçün bütöv bir adanı əldə edib

by Muhasibat.Az | posted in: Xəbər | 0

Volkswagen alman avtomobil istehsalçısı “yaşıl” nəqliyyatla bağlı bir eksperimenti həyata keçirmək üçün bütöv bir yunan adasını öz sərəncamına götürüb. Bu haqda şirkətin saytında məlumat verilib.

Söhbət Egey dənizindəki Astipaleya adasından gedir. Yunanıstan hökuməti ilə birlikdə həyata keçirilən layihə çərçivəsində dünya avtomobil nəhəngi, yaxın iki il ərzində adanı bütünlüklə elektrik nəqliyyatına və bərpa olunan enerji mənbələrinə keçirəcək.

Layihə çərçivəsində daxili yanma mühərriki ilə işləyən 1,5 minə yaxın avtomobil min ədəd elektromobillə əvəz ediləcək. Elektriklə işləyən avtomobillərdən başqa adada elektroskuterlər və elektriklə işləyən velosipedlər də populyarlaşdırılacaq. Ümumilikdə layihə altı il üçün nəzərdə tutulub.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

14 Noy 2020

Azərbaycanda orta aylıq əmək haqqı aşağı düşüb

by Muhasibat.Az | posted in: Xəbər | 0

Bu il oktyabrın 1-nə Azərbaycan iqtisadiyyatında muzdla çalışan işçilərin sayı ötən ilin eyni dövrü ilə müqayisədə 42,5 min nəfər və yaxud 2,6% artaraq 1 681,6 min nəfər olub, onlardan 908,0 min nəfəri iqtisadiyyatın dövlət sektorunda, 773,6 min nəfəri isə qeyri-dövlət sektorunda fəaliyyət göstərib.

“Report” bu barədə Dövlət Statistika Komitəsinə istinadən xəbər verir.

Məlumata görə, muzdla işləyənlərin 19,4%-i təhsil, 18,3%-i ticarət; nəqliyyat vasitələrinin təmiri, 13,1%-i sənaye, 8,2%-i əhaliyə səhiyyə və sosial xidmətlərin göstərilməsi, 8,1%-i tikinti, 6,6%-i dövlət idarəetməsi və müdafiə; sosial təminat, 4,5%-i nəqliyyat və anbar təsərrüfatı, 3,5%-i kənd təsərrüfatı, meşə təsərrüfatı və balıqçılıq, 3,4%-i peşə, elmi və texniki fəaliyyət, 1,7%-i maliyyə və sığorta fəaliyyəti, 13,2%-i isə iqtisadiyyatın digər sahələrində məşğul olub.

2020-ci ilin yanvar-sentyabr aylarında ölkə iqtisadiyyatında muzdla çalışan işçilərin orta aylıq nominal əmək haqqı ötən ilin müvafiq dövrünə nisbətən 17,1% artaraq 706,6 manat olub. Amma bu, bu ilin yanvar-avqust aylarının yekunu ilə müqayisədə 0,5% azdır. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də nəqliyyat və anbar təsərrüfatı sahələrində orta aylıq nominal əmək haqqı daha yüksək olub.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

13 Noy 2020

Zoom şirkətinin yaradıcısı milyardlarla dollar itirdi

by Muhasibat.Az | posted in: Xəbər | 0

Nasdaq birjasında Zoom Video Communications şirkətinin səhmlərinin qiyməti 17 faizdən çox aşağı düşüb. Nəticədə şirkətin qurucusu Erik Yuan beş milyard dollar kasıblayıb, bu haqda Bloomberg nəşri məlumat verib.

Kotirovkaların çökməsi vaksin haqqında xəbərlərə görə baş verib. Əvvəllər Amerika şirkəti Pfizer klinik sınaqların üçüncü mərhələsinin uğurla həyata keçirildiyini bildirmişdi. Alimlərin sözlərinə görə, həmin preparat COVİD-19-dan 90 faizlik effektiv müdafiəni təmin etdiyini göstərib. Bunun fonunda FedEx (5,68 faiz) və Netflix (8,59 faiz) kimi şirkətlərin səhmləri də eniş yaşayıb.

Buna baxmayaraq, bir çox şirkətlər çox optimist əhval-ruhiyyəyə kökləniblər. Onlar pandemiyanın nəzarət altına alınmasından sonra da insanların onların xidmətlərindən istifadə etməyə davam edəcəyinə inanırlar. “Vaksinasiya nəticəsində elektron ticarət, video rabitə və ya məsafədən çalışmaya keçid ilə bağlı tendensiyanın dəyişəcəyini düşünmürəm” , – təhlilçi Mandip Sinqx belə deyib.

Lakin, bir sıra texnoloji şirkətlərin səhmləri onların xidmətlərinə tələbatın azalması ilə əlaqədar olaraq ucuzlaşıb. Beləliklə, dünyanın ən zəngin insanı olan Ceff Bezosun sərvəti gün ərzində 9 milyard dollar azalıb. Çünki onun Amazon şirkətinin qiymətli kağızları 5 faiz aşağı düşüb.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

13 Noy 2020

Xaricdə auditin xüsusiyyətləri (V hissə)

by Muhasibat.Az | posted in: Audit, Xəbər | 0

Xaricdə auditin xüsusiyyətləri (V hissə)

IV hissəyə nəzər yetirmək üçün keçidə daxil olun

Beynəlxalq auditin nəzəriyyəsi və təcrübəsi rəqabət şəraitində formalaşmışdır. Bu, çoxsaylı tədqiqatlar və həmin materialların ictimai müzakirələri ilə müşayiət olunurdu. Nəticədə, bu ona gətirib çıxardı ki, bu günə qədər möhkəm beynəlxalq hüquqi auditor əsası yaradılmışdır. Auditin təşkili formaları ətraflı işlənib hazırlanmışdır və bu, az əhəmiyyətli deyil. Auditor fəaliyyəti üçün çoxlu sayda metodik materiallar nəşr olunur və daim artırılır.

İtaliya auditin dövlət tənzimlənməsinin güclü inkişaf etdiyi ölkələr sırasına aiddir. Qanunvericilik auditorlar tərəfindən ətraflı, təsdiq olunmuş maliyyə hesabatlarını təqdim etməyi şirkətin üzərinə qoyur.

Almaniyada auditor fəaliyyətinin əsas xüsusiyyəti ondan ibarətdir ki, bütün auditorlar və auditor firmaları mütləq şəkildə Auditor Palatasının üzvləri olmalıdırlar. Audit nəzarəti, Almaniyada bir neçə istiqamət üzrə həyata keçirilir. Birincisi, maliyyə ilinin sonunda müəssisənin audit nəzarəti. İkincisi, xüsusi audit nəzarəti (təhsil dövründə, direktorların ümumi yığıncağının tapşırığı və s.).

Yaponiyada auditin elə də yaxşı vəziyyəti müşahidə edilmir. Bu, Yaponiyanın korporasiyalarında iqtisadi inkişaf səviyyəsinə müstəqil audit və daxili nəzarət sisteminin qeyri-adekvatlığı ilə xarakterizə olunur. Yaponiya Maliyyə Nazirliyi auditə hədsiz təsir edir ki, bu da auditorların müstəqilliyinə zərər vurur. Yaponiyada mühasibat uçotu və auditin qərb modellərini tətbiq etmək cəhdləri də tam başa çatmayıb. Yaponiya korporasiyalarında daxili audit, ümumiyyətlə, kök sala bilməyib.

Çin hökuməti isə əksinə, diplomlu ictimai mühasiblərin və auditorların sayının artmasını dəstəkləyir. Ölkədə 50 mindən çox auditor təşkilatı və 70 min daxili auditorlar mövcuddur.

Fransada auditlə bağlı məsələləri Ədliyyə Nazirliyi tənzimləyir. Fransada auditor hesablar üzrə komissar adlandırılır, o, auditin aparılması üçün müəssisənin (səhmdarların) mülkiyyətçiləri tərəfindən altı il müddətinə təyin edilir.

Sözgedən mövzuya yekun vuraraq demək olar ki, xarici ölkələrdə audit kifayət qədər inkişaf edib.

Xaricdə auditor xidmətlərinin sayı hər bir ölkədə kifayət qədər böyükdür. Onların fəaliyyəti o qədər geniş yayılıb ki, beynəlxalq auditor firmalarının yaradılmasına gətirib çıxarıb. Qərb ölkələrində auditin inkişafının tədricən yaxşılaşma xarakteri daşıdığını görməmək də mümkün deyil.

Qeyd etmək lazımdır ki, ixtisaslı auditorlara hər zaman və hər yerdə tələbat var və bu peşəyə tələbat ildən-ilə artır. Müasir dövrdə auditor xidmətlərinin əsas vəzifəsi müəssisələrin maliyyə-təsərrüfat fəaliyyətini tənzimləyən qanunvericiliyə riayət olunmasına nəzarət etmək, mühasibat uçotunun aparılması, maliyyə hesabatlarının tərtib edilməsi, dövlət orqanlarının və özəl sahibkarların, həmçinin bu və ya digər firmanın, bankın, kooperativin və s. maliyyə vəziyyəti haqqında obyektiv informasiya ilə təmin etməkdən ibarətdir.