İsveçrənin Cenevrə şəhərinin sakinləri saatda 23 isveçrə frankı məbləğində minimum əmək haqqı məbləğinin tətbiqini dəstəkləyiblər. 41 saatlıq iş həftəsi üçün hesabladıqda bu, 3,8 min isveçrə frankı və ya 4,1 min ABŞ dolları edir. Təxminlərə görə, bu dəyişikliklər ayın sonunda qüvvəyə minəcək. Bu haqda CNBC kanalı məlumat verib.
Təşəbbüs səsvermə iştirakçılarının üçdə ikisi tərəfindən dəstəklənib. Halbuki 2011 və 2014-cü illərdə sözügedən analoji təklif böyük əksəriyyətin səs çoxluğu ilə rədd edilmişdi. Ekspertlər qeyd edirlər ki, koronavirusla bağlı vəziyyət şəhərdə sosial bərabərsizlik və yoxsulluq problemini daha da dərinləşdirib, bu isə minimal gəlirlərə olan münasibəti dəyişdirib.
Yeni minimal maaşlar təkcə Avropada deyil, həm də bütün dünyada ən yüksək əmək haqqı hesab olunacaq. Belə ki, sözügedən məbləğ ABŞ-dakından üç dəfə və yüksək maaşlar verilən Böyük Britaniyadakı məvaciblərdən isə iki dəfə yuxarı olacaq. Bundan bir qədər əvvəl Mercer konsaltinq firması, 2020-ci ildə keçirdiyi tədqiqatlar nəticəsində Cenevrəni dünyanın ən bahalı şəhərləri siyahısında doqquzuncu yerdə olduğunu qeyd etmişdi.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
