Coca-Cola şirkəti biznesini yenidən təşkil etmək qərarı verib və həmin çərçivədə dörd min əməkdaşa könüllü surətdə işdən çıxmağı təklif edib. Bu haqda şirkətdən daxil olan məlumata istinadən CNBC xəbər verib.
Sözügedən proqram çərçivəsində əgər işçilərin buna hüququ çatırsa, ABŞ, Kanada və Puerto-Rikodan olan əməkdaşlar işdən çıxarılacaqları təqdirdə müavinət ala biləcəklər. Alkoqolsuz içkilər istehsalçısı olan şirkət belə bir mexanizmi digər ölkələrdə də tətbiq etməyi planlaşdırır. Şirkət işdən çıxarılma üzrə əlaqəli olan proqramlar üzrə xərcləri 350 milyondan 550 milyona kimi dəyərləndirib.