2020-ci ildə dünya iqtisadiyyatı üçün 8,8 trilyon dollara kimi zərər proqnozlaşdırılır. Bu məlumatlar Asiya İnkişaf Bankının (AİB) hesabatında verilib, bu haqda TASS agentliyi məlumat yayıb.
“Dünya iqtisadiyyatı koronavirus xəstəliyi səbəbi ilə baş verən pandemiyaya görə 5,8 trilyondan 8,8 trilyon dollara kimi zərər ilə üzləşə bilər ki. Bu da qlobal ümumi daxili məhsulun 6,4-9,7 faizinə ekvivalentdir, – sənəddə belə qeyd olunur”.
Bankın ekspertləri dəqiqləşdiriblər ki, epidemiyanın qarşısının alınması müddətinin uzadılması ilə bağlı ssenaridə daha böyük itkilər mümkündür. Belə halda məhdudiyyətlər yarım il ərzində davam edə bilər. Lakin, iqtisadi aktivliyin üç ay ərzində bərpa olunması halında itkilər 5,8 trilyon dollara çata bilər.
Bildirilir ki, Asiya-Sakit Okean regionunda iqtisadi itkilər üç aylıq məhdudiyyətlər çərçivəsində 1,7 trilyon dollar təşkil edəcək. Məhdudiyyətlər yarım ilə qədər uzadılarsa bu rəqəm 2,5 trilyon dollara qədər dəyişə bilər. Bununla yanaşı, həmin məhdudiyyətlər çərçivəsində Çinin itkiləri 1,1 trilyondan 1,6 trilyon dollara qədər ola bilər.