4-cü hissə
Ali məhkəmənin baş mühasibi – 368.000 manat (12,6 milyon rubl) mənimsəmə
Ola bilsin ki, bununla bağlı ən səs-küylü tarixçə 2011-ci ildə baş verib. Belə ki, Buryatiya Respublikası Ali məhkəməsinin iki qadın əməkdaşına qarşı Rusiya CM-nin 159-cu maddəsi ilə (dələduzluq) cinayət işi açılıb. Baş mühasib Olqa Bazaron cəzasını ümumi rejimli kolonda çəkməklə 7 il müddətinə azadlıqdan məhrum edilib, maliyyə və maddi-texniki təchizat şöbəsinin mütəxəssisi Yelena Sivtsova isə dörd il müddətinə şərti cəza alıb. Hər iki qadına vurduqları ziyana görə 292.000 manat (10 milyon rubl) məbləğində cərimə də kəsilib.
Çünki, 2000-2006-cı illər ərzində bu iki qadın saxta sənədlər tərtib etməklə, məhkəmə orqanının kassasından 368.000 manat (12,6 milyon rubl) oğurlayıblar. Baş mühasib Olqa Bazaron əmək haqqı cədvəllərində yekun məbləği artırıb, Sivtsova isə pul vəsaitlərinin oğurlanmasında “iştirakçı” olub. Bundan əlavə onlar hakimlərin sanatoriya-kurort müalicəsi nəzərdə tutulan pulları da mənimsəyiblər. Özlərinin istirahətə getməkləri azmış kimi, dostlarına və qohumlarına da hakimlərin yerinə sanatoriyada istirahət etmək imkanı yaradıblarmış.