» » » Ən səs-küylü maliyyə qalmaqalları (2-ci hissə)

Ən səs-küylü maliyyə qalmaqalları (2-ci hissə)

posted in: Maliyyə, Məqalə, Xəbər | 0

maliyyə qalmaqallarıDəqiq mühasibat uçotunun olmaması bəzən geniş miqyaslı pozuntulara gətirib çıxarır. Biznes dünyasında baş verən bir çox nəhəng qalmaqallardan sadə üsullarla yayınmaq olardı, lakin müəyyən zaman kəsiyində onlardan istifadə olunmaması, həmin hay-küylü qalmaqallara gətirib çıxardı və bütün dünya bu rüsvayçılıqlardan xəbər tutdu.

Ən böyük maliyyə qalmaqalları əsasən korrekt olmayan mühasibat hesabatlılığı nəticəsində ortaya çıxır. Şirkətlərin gəlir və xərclərinin təhrif olunmasından, aktivlərinin şişirdilməsindən və passivlərinin dəyərləndirilməməsindən söhbət gedir. Bəzən bu pozuntuların nə dərəcədə bilərəkdən həyata keçirilib-keçirilməməsini müəyyən etmək nəzarətedici orqanlara müəssər olmur.

Kommersiya təşkilatları tərəfindən həyata keçirilmiş və diqqətləri daha çox cəlb edən maliyyə pozuntularından bir neçəsini diqqətə çatdırırıq.

İnformatorun “siqnalı” əsasında 24 illik həbs və infarkt

2001-ci ildə enerji bazarında nəhəng oyunçu sayılan Enron şirkətində qalmaqal bağlı baş verib. Şirkətin rəhbəri Jeffrey Skilling başçılıq etdiyi korporasiyanın nəhəng borcları ilə bağlı məlumatları mühasibat hesabatından gizlədirmiş. Sən demə, bütün bu işlər şirkətin yaradıcısı Kenneth Lay`in birbaşa təhriki ilə həyata keçirilibmiş. Lakin, elə bu saxtakarlıq da Enron şirkətinin banisindən ötrü faciəli sonluqla nəticələnir. Belə ki, o, bu maxinasiyaların məhkəmə işi başa çatana qədər infarkdan keçinir.

Skilling isə çox sərt bir cəza – 24 illik həbs cəzası alır. Güman olunduğuna görə onu 2019-cu ildə vaxtından əvvəl azad edə bilərlər ki, bu da şirkətin səhmdarlarını heç də qane etmir. Belə ki, bu iki şəxsin saxtakarlıqları nəticəsində onlar 74 milyon dollar itiriblər.  6 il ərzində dalbadal Amerikada ən innovasiyalı şirkət hesab olunan bu korporasiya öz mövcudluğunu beləcə itirmiş oldu.

Maraqlıdır ki, bu pozuntular şirkətin auditorlarından biri, Sherron Watkins tərəfindən aşkar olunub. 2002-ci ildə Time jurnalı Sherron Watkins və digər bir neçə nəfəri “İlin adamı” adlandırdı.

Məqalənin 1-ci hissəsini bu linkə daxil olmaqla oxuya bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Leave a Reply

Your email address will not be published. Required fields are marked *