Exceldə sətirləri sütunlara, sütunları sətirlərə kopyalamaq

posted in: Excel, Xəbər | 0

Transposition – sətirləri sütunlara, sütunları sətirlərə kopyalamaq

Transposition – tərcüməsi “yerdəyişmə” deməkdir. Bəzən qarşımıza çıxan cədvəldə sətirlərdə yazılanları sütunlara kopyalamağımız lazım olur. Hər zaman dediyim kimi, əgər ehtiyac varsa, böyük ehtimalla Excel artıq bunu nəzərə alıb və istənilən manual işin qarşısını alıb.

TRANSPOSE - 1

Qarşınızda yuxarıdakı screenshot-da olduğu kimi, şəhərlər və onların ortalama aylıq temperatur dərəcələri olduğunu fərz edin. Lakin, sizin fikrinizə görə şəhər adları sütunlarda, aylar isə sətirlərdə olmalıdır. Bunu manual olaraq etmənin nə demək olduğunu təsəvvür edin!

Xoşbəxtlikdən, bunu manual etməyə ehtiyac yoxdur. Əvəzində çox sadə bir əməliyyat ilə bunu əldə edə bilərsiniz. Bunun üçün, TRANSPOSE etmək istədiyiniz aralığı seçin və kopyalayın (Ctrl+C). Daha sonra transpose etmək istədiyiniz xanaya gəlin.

 

TRANSPOSE - 2

Transpose etmək istədiyim xana screenshot-dan da gördüyümüz kimi, B16 xanasıdır. Üzərinə gəlib mouse-un sağ düyməsini klikləyin. Aşağıdakı kimi bir qutucuq açılacaq.

 

TRANSPOSE - 3

Paste Special-ı seçin.

TRANSPOSE - 4

Diqqət etməli olduğumuz nyuanslar (altdan qırmızı xətt ilə işarələmişəm) – Paste seksiyasında Values seçilmiş, ən aşağıda sağda da Transpose qutucuğu check edilmiş olmalıdır. Etdikdən və Enter düyməsini kliklədikdən sonraTranspose əməliyyatını bitirmiş olacaqsınız. Artıq, aylar sətirlərdə, şəhərlər isə sütunlardadır.

 

TRANSPOSE - 5

Burda çox vacib bir nyuansı da qeyd etməliyəm. Yuxarıdakı cədvəldə edəcəyiniz hər hansı bir dəyişiklik aşağıdakı transpose edilmiş cədvəldə əks olunmayacaq, çünki transposition əməliyyatı statikdir, hər hansı bir linklə yuxarıdakı cədvələ bağlı deyildir.

Xoşbəxtlikdən, bunun da həll yolu var – dynamic transposition. Gələn məqalələrdən birində bunu da işıqlandırmağa çalışacağam. Hələlik üzərində işləyə bilməniz üçün çalışma faylını əlavədən endirə bilərsiniz.

Faylı yükləyin:  Transposition – static (109 downloads)
Müəllif: Elçin Xəlilov

Ən son yenilikləri və mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Mühasibat, Audit və Kadr Xidmətləri üçün linkə daxil olun.
Print Friendly, PDF & Email

Leave a Reply

Your email address will not be published. Required fields are marked *