Facebook-a ödənişlər zamanı hansı vergi öhdəliyimiz yaranır?

posted in: Vergi, Xəbər | 0
birbank biznes

Sual: MMC Facebookda öz məhsullarını reklam etmək üçün bank vasitəsilə Facebooka valyuta məbləğində ödənişlər edir. Bu halda alınmış bu xidmət üzrə hansı vergi mükəlləfiyyətləri (ƏDV və ÖMV) yaranır? Və zəhmət olmasa hesablama qaydasınıda qeyd edin. Məsələn, 24.11.2017 tarixdə 45 Avro dəyərində Facebooka bank vasitəsilə reklam üçün ödəniş edilmişdir. Mümkünsə hansı mükəlləfiyyətlərin yaranması və nə cür hesablanmasını izah edirdiniz.

Cavab: Bildiririk ki, sosial şəbəkədə reklam xidmətlərin göstərilməsinə görə qeyri-rezidentə ödənilən məbləğdən 10 faiz dərəcə ilə ödəmə mənbəyində vergi tutulmalıdır (qeyd olunan  məlumata əsasən – 45 €*10%).

Bununla yanaşı, xidmətlərin dəyərinə 18 faiz dərəcə ilə ƏDV hesablanmalı, ödənməli və hesablanan verginin ödənilməsini təsdiq edən ödəniş sənədinə əsasən əvəzləşdirilməlidir (45 €*18%).

Onu da qeyd edək ki, xarici valyuta ilə aparılan və vergiyə cəlb etməyə aid olan hər hansı əməliyyat onun həyata keçirildiyi gün Azərbaycan Respublikasının Mərkəzi Bankının rəsmi mübadilə məzənnəsi ilə manatla hesablanır.

Vergitutma ilə bağlı əlavə suallar yarandıqda Vergilər Nazirliyinin Çağrı Mərkəzinə (195-1) və ya vergi ödəyicilərinə xidmət mərkəzlərinə müraciət edə bilərsiniz

Bax: Vergi Məcəlləsinin 69-cu125-ci və 169-cu maddələri.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Print Friendly, PDF & Email