Bill Gates varlı adamları daha çox vergi ödəməyə səslədi

Oxunma sayı: 89

Bill Gates varlı adamları daha çox vergi ödəməyə səslədi.

Biznesmen artıq 10 milyard dollar vergi ödədiyini bəyan etdi və hesab edir ki, onun ödənişləri daha da yüksək ola bilər.

Zəngin insanların ödədiyi vergilərin payı ədalətlidirmi? Bill Gates hesab edir ki, ədalətli deyil. Bu ərəfələrdə o bildirib ki, 10 milyard dollarlıq yığım ödəsə də, bu azdır. Hesab edir ki, onun ödənişləri daha yüksək olmalıdır, xüsusilə də kapital artımı ilə bağlı.

Reddit istifadəçisi Gates-dən soruşduqda ki, onun fikrincə nə qədər vergi ödəməlidir, Bill cavab verib ki, varlı adamlar daha çox vergi ödəməlidirlər.

“Düşünürəm ki, bizim vergi sistemi daha mütərəqqi olmalıdır. (Varlı adamlar daha çox pay ödəməlidirlər).

Burada əsas məqam adi gəlirlərdə olduğu kimi kapital artımına və daşınmaz əmlaka görə də vergilərin artırılmasıdır. Avropa ölkələri daha çox vergi toplayırlar. Baxmayaraq ki, bunu həm də istehlak vergiləri vasitəsilə həyata keçirirlər, hansı ki, proqressiv olmayan vergilərdir”, – biznesmen belə yazıb.

“İnsanlar hökumətin daha çox şey etməsini istəyirlərsə, onu maliyyələşdirmək lazımdır və görürəm ki, təhsil və səhiyyə xidmətlərimizi inkişaf etdirməliyik. Belə ki, mən 10 milyard dollar ödəmişəm, amma, kapital artımına görə mən daha çox vergi ödəməliyəm”, – deyə Bill Gates əlavə edib.

Microsoft banisinin bəyanatı ciddi bəyanatdır. Bir ildən az müddətdə mülkiyyətdə olan aktivlər üçün kapitalın qısamüddətli artımı adi gəlir səviyyəsinə görə vergiyə cəlb edilir. Beləliklə, mülkləri və ya maşınları əlavə gəlir kimi satanlar əsas işdə əldə edilən gəlir üçün olduğu qədər vergi ödəyirlər.

Lakin uzunmüddətli kapital artımı üçün mülkiyyətində bir ildən artıq aktivləri olan varlı insanlar maksimum 20 faiz təşkil edirlər. Belə ki, bir çox varlıların etdiyi kimi pul qazanmaq, səhmlərə, əmlak və digər dəyərli şeylərə sərmayə yatırmaqla, vergiləri daha az ödəməli olursan.