Sual: Hüquqi şəxs avtomobil ehtiyat hissələrinin idxalı və satışı ilə məşğuldur. Hüquqi şəxsin əməkdaşları bu malları ixtisaslaşdırılmış avtomobillərlə digər ticarət obyektlərinə aparıb göstərir, orada isə nağd qaydada satış edirlər (qaynar satış). Bu zaman ticarət obyektlərindən satış anında alınan nağd pul vəsaitləri alındığı an necə rəsmiləşdirilə bilər? (yəni əməkdaşlarda NKA aparatı yoxdur)
Həmçinin bax: Hüquqi şəxs öz adına kredit götürüb təsisçinin borcunu qaytara bilər?
Cavab: Bildiririk ki, səyyar, bazarlarda və digər kütləvi ticarət yerlərində piştaxtadan, avtomobildən və qoşqu vasitələrindən pərakəndə satış fəaliyyəti ilə məşğul olan şəxs fəaliyyətini NKA tətbiq etmədən həyata keçirə bilər və bu zaman nağd vəsaitin müqabilində həmin şəxslər pərakəndə qaydada mal alan şəxsə forması Maliyə Nazirliyi tərəfindən təsdiq olunan ciddi hesabat blankını (mədaxil qəbzini) təqdim etməlidir.
Əlavə məlumata zərurət yarandıqda Vergilər Nazirliyinin Çağrı Mərkəzinə (195-1) və vergi ödəyicilərinə xidmət mərkəzlərinə müraciət edə bilərsiniz.
Bax: Vergi Məcəlləsinin 16.1.8.3-cü və 16.1.9-cu maddələri, Azərbaycan Respublikası Nazirlər Kabinetinin 2014-cü il 3 aprel tarixli 94 nömrəli Qərarı ilə təsdiq edilmiş “Azərbaycan Respublikasında ticarət, ictimai iaşə, məişət və digər növ xidmət Qaydaları”nın 5.37-ci bəndi, Maliyyə Nazirliyinin Kollegiyasının “Ciddi hesabat blanklarının forma və rekvizitlərinin təsdiq edilməsi haqqında” 04 aprel 2016-cı il tarixli Q-09 №–li Qərarı.
Mənbə: taxes.gov.az
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
