Bakıda işçilərin orta aylıq əmək haqları artıb
Bu ilin yanvar-aprel aylarında Bakıda işçilərin orta aylıq nominal əmək haqqı əvvəlki ilə nisbətən 3,9% artaraq 820 manat təşkil edib.
Bakı Şəhər Statistika İdarəsinə istinadən verilən məlumata görə, ən yüksək orta aylıq əmək haqqı sənaye, maliyyə və sığorta fəaliyyəti, peşə, elmi və texniki fəaliyyət, informasiya və rabitə, tikinti fəaliyyəti göstərən müəssisə və təşkilatlarda çalışan işçilərdə, ən aşağı əməkhaqqı isə səhiyyə və sosial xidmətlər, kənd təsərrüfatı, daşınmaz əmlakla əlaqədar əməliyyatlar, təhsil, istirahət, əyləncə və incəsənət sahələrində fəaliyyət göstərən müəssisə və təşkilatlarda çalışan işçilərdə olub.
Mənbə: apa.az