İşdən çıxarıldığından xəbərsiz 1 ildən çox işləməyə davam edən əlil mühasib

Salexardda (Rusiya) əlil mühasib işdən çıxarıldığını bilmədən bir ildən çox işləməkdə davam edibmiş.

Dairə prokurorluğunun mətbuat xidmətindən verilən məlumata görə, Salexard sakini olan bir qadın 2015-ci ilin noyabr ayında şəhər Məşğulluq mərkəzi ilə müqavilə əsasında şirkətlərdən birində işə qəbul edilib. İmzalanmış müqavilə çərçivəsində cəmiyyətin direktoru əlil üçün evindən çalışmaqla onu daimi işə qəbul edib.

Lakin, sonradan məlum olub ki, sözügedən şirkət onunla müqavilə imzalamayıb və adına əmək kitabçası belə açmayıb. Bundan əlavə, işə düzəldiyindən iki ay sonra direktor qadını qeyri-qanuni işdən çıxarıbmış. Bu azmış kimi, mühasibi heç işdən çıxarılma aktı ilə tanış belə etməyiblərmiş. Bunlardan xəbərsiz olan əlil qadın əmək haqqı almasa da, 2017-ci ilin martına kimi işləməkdə davam edib.

Yalnız il yarım sonra qadın prokurorluğa hüquqlarının pozulması faktı ilə müraciət edib.

1-ci qrup əlil olan qadının maraqlarını müdafiə edən prokuror məhkəməyə müraciət edib. Məhkəmə sözügedən şirkətin işdən çıxarma əmrini qeyri-qanuni hesab edib və həmin müəssisəyə əlil qadınla qeyri-müəyyən müddətə əmək müqaviləsi bağlamağı, onun üçün əmək kitabçası açılmasını və orada işə qəbul və işdən çıxarılma ilə bağlı qeydlərin aparılmasını tələb edib.

Bundan əlavə, şirkət əlilə əmək haqqı borclarını ödəməklə yanaşı, dəymiş maddi zərərlə də bağlı ödəniş etməlidir.

Cavabdeh məhkəmə qərarından apellyasiya şikayəti versə də, ikinci instansiya məhkəməsi də hökmü qüvvəsində saxlayıb.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Leave a Reply

Your email address will not be published. Required fields are marked *