» » » İtaliyada absurd vergilər

İtaliyada absurd vergilər

posted in: Məqalə, Vergi, Xəbər | 0
Print Friendly, PDF & Email

İtaliyada yüzdən çox müxtəlif vergi növü mövcuddur. O cümlədən elə vergi növləri var ki, rasional və məntiqi izahı belə yoxdur. Aşağıda həmin vergi növlərindən bir neçə nümunəni diqqətinizə çatdırırıq.

Kölgəyə görə vergi: Əgər mağaza sahibi talvar tikirsə və onun kölgəsi ictimai əraziyə “daxil olursa”, ictimai torpağın “qeyri-leqal işğalına görə” məcburi ödəniş etməlidir.

Bataqlıq vergisi: Sözügedən vergi növü 1904-cü ildə kral fərmanı ilə qüvvəyə minib və vətəndaşlar, bataqlıq ərazini qurudub, oranı kənd təsərrüfatı məhsullarının becərilməsindən ötrü istifadə etsələr, buna görə ödəniş etməlidirlər. İtaliyanın bir çox regionlarında hələ də bu vergini ödəməkdə davam edirlər.

Göbələk yığımına görə vergi: İtaliyada hətta meşələrdən göbələk yığımına görə belə vergi tətbiq olunub.

Magistrala çıxan yollara görə vergi: Evlərdən magistral yollara aparan “cığırlara” (ensiz yollar) görə vergi ödənişi ideyası 1997-ci ildə doğulub və bir çox kommunalarda bu vergi növü öz çiçəklənmə dövrünü yaşamaqdadır.

Elektrik enerjisindən səmərəli istifadəyə görə vergi: Elektrik enerjisi ödənişi ilə bağlı qəbzinizə diqqət yetirin; bir çoxlarınız orada sirli Ef-En abbrevaturasını aşkar edəcəksiniz, bu müştərinin elektrik enerjisindən nə qədər səmərəli istifadə etməsinin göstəricisini əks etdirir. Nəticə belə olur, həmin vergi səbəbiylə xəzinəyə milyonlarla avro daxil olur.

Üç rəngli bayraqdan istifadəyə görə vergi: Bayramlar dövründə mağaza, otel, restoran və s. sahibləri İtaliyanın dövlət bayrağını görünən yerdən asarlarsa, çox güman ki, yaxın vaxtlarda öz poçt qutularında brenddən şəxsi məqsədləri üçün istifadə etdiklərinə görə vergi ödəməli olmaları ilə bağlı qəbzə rast gələcəklər.

Yaddaşa görə vergi: bu vergi növü müxtəlif texnoloji avadanlıqlara sahib olan şəxslərdən tutulur, hansılar ki, şəxsi istifadə üçün musiqi trekləri və kinofilmlərinin surətini çıxarmağa imkan verir. Bu, müəllif hüquqlarının qorunmasına xidmət edir. Mahiyyət etibarilə, mobil telefon, smartfon, daşınan sərt disk, fləş-kart sahibləri həmin vergini ödəməyə borcludurlar.

Xəyali atom elektrik stansiyalarına görə vergi: Eletrik enerjisindən istifadəyə görə qəbzlərə italyan AES-nə xidmətə görə vergi də daxil edilib. Amma, təssüflər olsun ki, İtaliyada hələ AES-lər yoxdur. Həmin vergi növünü italyanlar yalnız ölkə ərazisində  AES-lər istifadəyə verildikdən sonra ödəməli olacaqlar.      

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Leave a Reply

Your email address will not be published. Required fields are marked *