Amerikalı zənginlər koronovirus pandemiyası fonunda yüz milyardlarla dollar qazanc əldə ediblər. Bu haqda CNBC məlumat verib. Onların məcmu sərvəti 434 milyard dollar artıb.
Mart ayının ortalarından, mayın ortalarına kimi, cəmi iki ay ərzində hamıdan daha çox milyarderlər reytinqinin lideri, Amazon internet-platformasının yaradıcısı Jeff Bezos və Facebook sosial şəbəkəsnin sahibi Mark Zuckerberg varlanıblar. Onların sərvəti müvafiq olaraq – 150 və 87,3 milyard dollara kimi yüksəlib.
Ümumilikdə isə tətbiq edilən ümumi məhdudiyyətlər səbəbindən bir çox prosesləri onlayna keçirməyə məcbur olan texnoloji şirkətlərin yaradıcıları və sahibləri ən böyük nailiyyətlərə və uğurlara nail ola biliblər.
ABŞ-ın 600 zəngin sakinlərinin ümumi sərvəti son iki ay ərzində 15% artaraq, 2,9 trilyon dollardan, 3,3 trilyon dollara kimi yüksəlib.
Faiz nisbətində ən çox varlanmış sakinlər sırasında Tesla şirkətinin yaradıcısı və rəhbəri Elon Musk (onun sərvəti 48 faiz artaraq, 36 milyard dollara yüksəlib), Mark Zuckerberg (varidatı 46% artıb, 80 milyard dolları ötüb keçib) və Jeff Bezos (31 faiz artım, sərvəti 147 milyard dollara çatıb) liderlik edirlər.