Fəaliyyət dayandırılıbsa Məcburi Dövlət Sosial Sığorta hesabatı verilməlidir?
Sual: Əgər müəssisə 2018-ci ilin 1-ci rübündə fəaliyyət göstərib, sonra vergi orqanına ərizə ilə müraciət edərək fəaliyyətini 2-cü rübdən etibarən dayandırmışsa və 2018-ci ilin sonuna qədər fəaliyyətini bərpa etməmişdirsə (fəaliyyəti olmamışsa) 2018-ci ilin 4-cü rübü üçün MDSS və İşsizlik üzrə hesabatları vergi orqanına təqdim etməlidirmi?
Yoxlamalarla bağlı qanuna dəyişiklik təsdiqlənib
Cavab: Vergi ödəyicisi fəaliyyətini dayandırdığı son hesabat dövrü üçün vergi və sosial sığorta hesabatı təqdim etməlidir. Sorğunuzda vergi ödəyicisinin 2018-ci ilin 4-cü rübü ərzində fəaliyyət olmadığı üçün həmin dövr üçün bəyannamə təqdim etməsi tələb olunmur.
Eyni zamanda sadələşdirilmiş verginin və əlavə dəyər vergisinin ödəyiciləri “Muzdlu işlə əlaqədar ödəmə mənbəyində tutulan vergi bəyannaməsi”ni illik olaraq hesabat ilindən sonrakı ilin yanvar ayının 31-dən gec olmayaraq vergi orqanına təqdim edirlər.
Bəyannamələrin təqdim edilməsi ilə bağlı məlumatı saytımızın “Vergi bəyannaməsini verən şəxslər” və “Vergilərin ödənilməsi və bəyannamələrin verilmə müddətləri” bölmələrindən əldə edə bilərsiniz.
Mənbə: taxes.gov.az