Minimum aylıq əmək haqqının artırılmasının müəllimlərin maaşına təsiri

posted in: Xəbər | 0
birbank biznes

Minimum aylıq əmək haqqının artırılmasının müəllimlərin maaşına təsiri

Minimum aylıq əmək haqqıAzərbaycan Respublikasının Prezidenti İlham Əliyevin iyunun 18-də “Minimum aylıq əmək haqqının artırılması haqqında” imzaladığı sərəncama əsasən, dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşları artıb:
  • Pedaqoji staj 3 ilə qədər olduqda bir stavka dərs yükü (18 saat) olmaqla 462 manat oldu. (əvvəl 385 manat idi) – 77 manat artdı;
  • Pedaqoji staj 3 ildən 8 ilə qədər olduqda bir stavka dərs yükü (18 saat) olmaqla 496 manat oldu. (əvvəl 413 manat idi) – 83 manat artdı;
  • Staj 8 ildən 13 ilə qədər olduqda bir stavka dərs yükü (18 saat) olmaqla 522 manat oldu. (əvvəl 435 manat idi) – 87 manat artdı;
  • Pedaqoji staj 13 ildən 18 ilə qədər olduqda bir stavka dərs yükü (18 saat) olmaqla 555 manat oldu (əvvəl 462 manat idi) – 93 manat artdı;
  • Pedaqoji staj 18 ildən çox olduqda bir stavka dərs yükü (18 saat) olmaqla 594 manat oldu. (əvvəl 495 manat idi) – 99 manat artdı.
Eyni zamanda, elmi dərəcəsi olan və ixtisası üzrə fənn tədris edənlər, Azərbaycanın fəxri adlarına layiq görülənlər, ümumi təhsil müəssisələrində istifadə edilən dərslik və ya müəllimlər üçün metodiki vəsaitlərin müəlliflərinin maaşına 45 manat əlavə olunacaq.
Fəlsəfə doktorlarının əmək haqqına 60, elmlər doktorlarının əmək haqqına isə 100 manat əlavə olunur. “Əməkdar” fəxri adında 100 manat, “xalq” fəxri adında isə maaşa 150 manat əlavə nəzərdə tutulur.
Mənbə: vergiler.az

TELEGRAM KANALIMIZA ÜZV OLUN


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Print Friendly, PDF & Email