» » » Mühasib fırıldaqları (7-ci sxem)

Mühasib fırıldaqları (7-ci sxem)

7-ci sxem

Proqram təminatı alınan zaman edilən saxtakarlıq

Hazırda kompüter uçotunun avtomatlaşdırılmasından istifadə etməyən mühasib artıq tapa bilməzsən. Əlbəttə ki, mühasibat uçotu və vergi təyinetmə ilə bağlı məsələləri kompüterə yalnız xüsusi təminat proqramı yerləşdirdikdən sonra həll etmək olar. Maraqlıdır ki, diribaş mühasib burada da özünə saxtakarlıq etmək üçün çox asanlıqla imkanlar tapacaq.

Bazar, müəssisələrdə mühasiblərin işini yüngülləşdirməyə təyin edilmiş böyük sayda proqramlar təklif edir: “1C”, “Qalaktika” və s. Özünə mühasibat proqramları seçən mühasib bu barədə məlumatı İnternetdən toplayır, tanış mühasiblərlə məsləhətləşir, proqram təminatını təklif edən təchizatçıların nümayəndələri ilə danışıqlar aparır.

Lakin, elə də olur ki, mühasibi konkret proqram təminatı ilə bağlı məhsul deyil, onu təklif edən tədarükçünün “diribaş” mühasibə ödəyəcəyi yaxşı maddi “mükafat” daha çox maraqlandırır. Mükafat haqqında təklifi mühasib dərhal almır, ehtimal var ki, hansı proqram təminatı ilə bağlı seçimi elə mühasibin özü etsin.

Ticarət agenti bir qayda olaraq, sövdələşmə baş tutmadıqda,  bu təklifdən müştərini əldən buraxmamaq üçün son şans kimi istifadə edir. Təklifin mahiyyəti ondan ibarətdir ki, müəssisə proqram təminatını aldıqdan sonra, mühasibə sövdələşmə məbləğinin 5 və ya 10% təşkil edən nağd pul təklif edilir.

Proqram təminatı alındıqdan sonra da proqram tədarükçüsü ilə mühasib arasında əlaqə sona çatmır. Proqram təminatı daimi müşaiyətə və yenilənməyə ehtiyac duyur, bu isə əlavə pullar deməkdir. Bundan əlavə, müəssisə proqram təminatı təchizatçısına abonent haqqı ödəyir, eyni zamanda proqramların fərdi əyər-əskiklərinin düzəldilməsi, avadanlığın sınması, xarab olması nəticəsində mütəxəssisin ofisə çağırılmasına görə də pul ödəmək lazım gəlir.

Bütün bunlar mühasibə fıtıldaqçılıq etmək üçün yeni-yeni imkanlar yaradır. Bir sözlə, müəssisənin hesabına mühasib müntəzəm olaraq, yaxşı gəlir əldə edə bilir.

Bu məsələdə mühasibin özünün maraqlı olması, onu faktiki olmayan “problemləri” uydurmağa və əlavə gəlirlər əldə etməyə şirnikləndirə bilər.  Əgər, müəssisə rəhbəri mühasibin bu siyasəti ilə barışarsa, onda bu saxtakar işləmlər nəticəsində müəssisəni müntəzəm olaraq lazımsız xərclər gözləyəcək.

Bu sui-istifadələrdən necə yayınmaq olar? Çox sadə yolla: proqram təminatı alınması prosesinə rəhbərlik özü nəzarət etməlidir, hər şeyi axarına buraxmaq düzgün də deyil, axı! Yeri gəlmişkən, proqramla yaxından tanışlıq heç də pis deyil, ən azından ona görə ki, siz gələcəkdə mühasibin tərtib etdiyi proqramlardan öz işinizdə də istifadə edə bilərsiniz. Bir çox mühasibatlıq və texniki müansları bilməməyiniz sizi utandırmamalıdır.

Siz öz rəhbər-kolleqalarınızla və onların mühasibləri ilə söhbət edib, müxtəlif proqramların xarakteristikası və xüsusiyyətləri tanış ola bilərsiniz. Eləcə də İnternetdəki saytlardan məlumatlar və rəyləri öyrənib, müstəqil monitprinq həyata keçirə bilərsiniz.

Eləcə də mümkündür ki, potensial proqram təminatçıları ilə danışıqlarda mühasiblə birlikdə siz də iştirak edə bilərsiniz. Aydındır ki, sizin iştirak etdiyiniz danışıqlarda mühasibinizə heç kim “mükafat” təklifi edə bilməyəcək.

Məqalənin 6-cı hissəsini bu linkə daxil olaraq oxuya bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Leave a Reply

Your email address will not be published. Required fields are marked *