Nijni Novqorodun Avtozavodsk rayonunda bir il ərzində iri məbləğdə pul mənimsəyən xəstəxananın mühasibi mühakimə olunur.
Nijni Novqorod vilayət prokurorluğunun məlumatına görə, xəstəxananın mühasibi pullu tibbi xidmətlərə görə poliklinikada aldığı pulları kassaya köçürməli olduğu halda, bunu etməyib. Belə ki, bir il ərzində pulların bir hissəsini (612 min rubl həcmində məbləği) mənimsəyib.
Təqsirləndirilən 39 yaşlı qadın mühasib yaxın vaxtlarda məhkəmə önünə çıxarılacaq. Onu altı ilə kimi azadlıqdan məhrumetmə cəzası gözləyir.
Yeri gəlmişkən, qadın təqsirini tamamilə etiraf edib və mənimsədiyi pulları könüllü şəkildə geri qaytarıb.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
