Yeni işçilər toplamalı və ya vəzifələri yenidən bölüşdürmək lazımdır (mühasiblər)
Gələn ildən etibarən autsorsinq mühasibat xidmətləri müəssisələrinin lisenziyalaşdırılması planlaşdırılır – Tildes Jumis mühasibat və idarəetmə sistemi tərəfindən aparılan sorğunun nəticələri göstərir ki, bu, öz çətinliyinə görə mühasiblər üçün yalnız dördüncüdür. Sözügedən sahə nümayəndələrinin 16,8% – i qanunların artan yükünün onların gələcək işlərini təhdid etdiyini etiraf edib. 37,9% isə yeni tələblərin gündəlik işlərdə təsirini kəskin şəkildə hiss etdiklərini söyləyiblər.
Bu o deməkdir ki, mühasibat xidmətləri müəssisələrinin yarıdan çoxu qanunların bütün tələblərinə riayət etmək üçün əmək təşkilini dəyişdirmək, məsələn, əlavə işçiləri işə götürmək və ya vəzifələri yenidən bölüşdürmək məcburiyyətində qalacaqlar.
Həyatı hansı qanunlar çətinləşdirir
İndi sahə üçün ən böyük problem qanunsuz əldə edilmiş vəsaitlərin leqallaşdırılmasının və terrorizmin və profilerasiyanın maliyyələşdirilməsinin qarşısının alınması haqqında qanuna riayət olunmasıdır. Respondentlərin 80%-i bunu qeyd ediblər.
Əhəmiyyətinə görə ikinci problem – beynəlxalq sanksiyalar və Latviyanın milli sanksiyaları haqqında qanundur, onun tələblərinə əməl olunması mühasibat firmalarının 51,6% – i üçün çətinlik yaradır.
Qüvvəyə mindikdən il yarım sonra da məlumatları mühafizəsinin ümumi tənzimlənməsi aktı hələ də respondentlərin 44,2-i üçün narahatedici amil olaraq qalmaqdadır. Autsorsinq mühasibatı müəssisələrinin gələcək lisenziyası isə rəyi soruşulanların 38,9% – ni yenə də rahatsız etməkdədir.
Müştərilərə əlavə xərclər ödənilməlidir
Qanunların tələblərinə riayət olunması rəyi soruşulan müəssisələr üçün əlavə xərclər yaradır. Respondentlərin 31,6% – i bu xərclərin işin rentabelliyini təmin etmək üçün çox böyük olacağından qorxurlar. Bu narahatlıq, mühasibat xidmətləri bazarının hədsiz mühafizəkarlığı, böyük bir rəqabətin olması və yeni müştərilərin cəlb edilməsinin çətin olması ilə əlaqədardır. O səbəbdən, zərərlərin ödənilməsinin müştərilərin üzərinə qoyulması riski yaranır.
“Sorğu məlumatları göstərir ki, mühasibat müəssisələri əlverişsiz vəziyyətə düşüblər. Son vaxtlar bu sahələr qanunun bir çox mürəkkəb tələblərinə uyğunlaşmalı olur, ona əməl olunması yeni prosedurların tətbiq olunmasını, əlavə biliklərin mənimsənilməsini, hətta bəzən yeni əməkdaşların işə cəlb edilməsini tələb edir” – Latviyanın ən populyar Tildes Jumis mühasibat və menecment sisteminin biznes inkişafının rəhbəri Viesturs Slaydinş belə şərh edir.
TELEGRAM KANALIMIZA ÜZV OLUN
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
mühasiblər
