Nə istədiyinizi bilmirsinizsə, peşə seçimi necə olmalıdır? (IV hissə)
III hissəyə nəzər yetirmək üçün keçidə daxil olun
Bu gün insan həyatında ən vacib olan peşə seçimi haqqında danışaq. Bu seçimə, xüsusən də uşaqlarınıza aid olduqda, çox məsuliyyətlə yanaşmalısınız. Burada giriş məlumatları çoxdur.
Test before invest! Öncə testdən keçir, sonra sərmayə yatır!
Həyatınızın illərinə və təhsilinizə minlərlə dollar investisiya qoymazdan öncə maraqlandığınız (və ya uşağınızın maraqlandığı) peşə haqqında daha çox məlumat toplamağa və ilk praktik təcrübə əldə etməyə çalışın. Əmək bazarını, maaşları, peşəyə olan öhdəlikləri və tələbləri öyrənin. 1-2-3 aylıq ödənişsiz praktika keçmək üçün işə düzəlməyə çalışın.
Övladınızla bağlı olan halda, yaxınlarınızın birindən (bu peşədən olan) onunla (uşağınızla) müəyyən zaman keçirməsini və sözügedən peşə barədə ona müəyyən şeyləri izah etməyi xahiş edin.
Daha çox təcrübə!
İnsanın güclü və zəif tərəfləri yalnız praktikda, əməli işdə özünü göstərir. Bacarıqları və istedadı üzə çıxır, vərdişləri formalaşır. İnanın, əgər bir şəxsin hansısa işdə ciddi uğurları varsa, onun qarşısına “Kim olmalı?” sual heç vaxt çıxmır.
Uşağın vəziyyətində, mümkün olan bütün yollarla ona bu təcrübəni əldə etməyə kömək edin. Pul qazanmaq, təşəbbüskarlıq, maraq, hobbi və s. üçün edilən hər hansı bir təşəbbüsü təşviq edin.
Öncədən (maliyyə baxımından) hazır olun
Uşağınızın neçə yaşı olması və ya onun ali məktəbə neçə ildən sonra gedəcəyi əhəmiyyət daşımır. Təhsili kredit hesabına əldə etmək – pis ideyadır. Yığım etmək, sizin seçim etmənizdən ötrü əla ideyadır! Ehtiyat məbləği toplamağa nə qədər tez başlasanız, sizdən ötrü daha çox faiz toplanar və təhsil məssisəsinin seçimi də daha geniş olar.
Yekun
Peşə seçimi insan həyatındakı ən vacib seçimlərdən biridir. Ancaq bunun bütün həyat üçün bir seçim olmadığını başa düşmək lazımdır. Ona görə, özünüzü (və ya uşağınızı) bu seçimin mühümlüyü ilə bağlı yükləmək lazım deyil. Özünüzü və ya övladınızı çevik bacarıqların formalaşmasına, müstəqil iş və təşəbbüskarlıq cəhdlərinə təşviq edin. Eləcə də həddən bahalı ali məktəblərdən və kreditlə təhsil almaqdan uzaq durun. İnanın, hər şey yaxşı olacaq!
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
