Sual: ƏDV qeydiyyatında olan müəssisə 2017-ci ildə 5.000 manat dəyərində avadanlıq almış və malı təqdim edən ƏDV ödəyicisi olmadığından həmin mala görə ƏDV ödənilməmişdir. 2018-ci ildə həmin əsas vəsait müəssisə tərəfindən uçotdan silinərsə, həmin əsas vəsaitin qalıq dəyəri ƏDV-nin vergitutma obyekti hesab edilirmi?
Cavab: Bildiririk ki, vergi ödəyicisi malları (işləri, xidmətləri) ƏDV-ni ödəməklə əldə edirsə və müvafiq əvəzləşdirmə alırsa və ya almaq hüququna malikdirsə, belə mallardan (işlərdən, xidmətlərdən) qeyri-kommersiya məqsədləri üçün istifadə edilməsi, fövqəladə hallardan başqa malların itməsi, əskik gəlməsi, xarab olması, tam amortizasiya olunmadan uçotdan silinməsi və ya oğurlanması vergi tutulan əməliyyat sayılır. Bu baxımdan da ƏDV-ni tətbiq etməyən sadələşdirilmiş vergi ödəyicisindən alınmış malların silinməsi ƏDV üzrə vergitutma obyektini təşkil etmir.
Bax: Vergi Məcəlləsinin 159.5-ci maddəsi.
Mənbə: taxes.gov.az
Bax: