Türkiyədə istirahət bahalaşır: Ankara təhlükəsizlik vergisi tətbiq edəcək
Hər bir təyyarə sərnişini 1,5 avro ödəməli olacaq
Türkiyədə istirahət etməyə gedənlər bundan sonra əlavə pul xərcləməli olacaqlar. Belə ki, 2019-cu ildən Ankara 1,5 avro məbləğində təhlükəsizlik vergisi tətbiq edəcək.
Bu bütün təyyarə sərnişinlərinə – o cümlədən Türkiyə vətəndaşlarına da şamil olunur.
İlkin olaraq hər bir adam üçün 3 avro həcmində vergi tətbiq olunması planlaşdırılmışdı. Bu haqda ölkənin dövlət aeroportları Baş idarəsi hələ dekabrın ortalarından məlumat vermişdi. İndi isə nəqliyyat və infrastruktur nazirliyi Türkiyə turist şirkətləri assosiasiyasının xahişi ilə həmin məbləği iki dəfə – 1,5 avroya kimi aşağı salıb.
Nəzərə almaq lazımdır ki, 2019-cu il üçün tur-paketlər oktyabr ayından satılmağa başlanılıb və orada təhlkəsizlik vergisi nəzərdə tutulmayıb. Bəs, 1,5 dollarlıq xərci kim ödəyəcək? Bu turistlərin üzərinə qoyulsa belə, yenə də böyük əksəriyyət üçün ciddi əhəmiyyət kəsb etməyəcək. Bəlkə bu xərc turist səfərlərini təşkil edən operatorların üzərinə qoyulacq? Belə də müəyyən problemlər ortaya çıxa bilər.
Necə deyərlər, uçarıq – yoxlayarıq.
Ümumiyyətlə, gələn ilin yayından Türkiyədə ümumilikdə istirahət etmək 15-20% bahalaşacaq. Bunu turizm şirkətləri rusların və avropalıların istirahətə yüksək tələbatı ilə izah edirlər. 2018-ci il üçün ilkin hesablamalara görə Türkiyəni 40 milyon turist ziyarət edib ki, onların da 6 milyonunu Rusiyadan gələnlər təşkil edib.