Ümidsiz borcları necə xərcə silməli?

posted in: Xəbər | 0

Ümidsiz borcSual: Sualım Vergi Məcəlləsinin 93-cü maddəsinə əsasən, ümidsiz borcların silinməsi ilə bağlıdır. Belə ki, müştəriyə 1000 manat məbləğində (ƏDV xaric) mal təqdim olunmuş və bu əməliyyata görə 180 manat ƏDV hesablanmışdır. Lakin sonradan bu müştərinin müflis olduğu və borcu ödəməyəcəyi aşkar edilmişdir. Bu halda ümidsiz borc kimi xərcə 1000 manat və ya 1180 manat silinməlidir? Öncədən təşəkkür edirik.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Cavab: Bildiririk ki, malların təqdim edilməsi, işlərin görülməsi və xidmətlərin göstərilməsi ilə əlaqədar əvvəllər gəlir kimi vergiyə cəlb olunmuş, lakin sonrakı dövrlərdə ödənilməmiş debitor borcları ümidsiz borc hesab olunur və müvafiq məbləğ gəlirdən çıxılır. Bu halda: – vergi ödəyicisi uçotu hesablama metodu ilə aparmalı; – debitor borc yalnız malların təqdim edilməsi, işlərin görülməsi və xidmətlərin göstərilməsindən əmələ gəlməlidir; – ümidsiz borc kimi silinən məbləğ əvvəlki debitor borcun yarandığı dövrdə gəlir kimi nəzərə alınmalı və vergiyə cəlb olunmalıdır. Qeyd olunan şərtlər yerinə yetirildikdə vergi ödəyicisi ümidsiz borc kimi təsnifləşdirilən debitor borcu ümidsiz borc kimi təsdiqləndiyi və mühasibat kitablarında sildiyi halda gəlir (mənfəət) vergisinin məqsədləri üçün xərc kimi nəzərə ala bilər. Ümidsiz borc məbləğinin silinməsi barədə təfərrüatlı məlumatın alınması üçün borcun predmeti ilə bağlı zəruri sənədləri əlavə etməklə Vergilər Nazirliyinə rəsmi qaydada müraciət edə bilərsiniz.

Bax: Vergi Məcəlləsinin 111-ci maddəsi.

Həmçinin bax: Təsisçi ilə borc müqaviləsinin notariusda təsdiqinin zəruriliyi

Mənbə: taxes.gov.az


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.

Leave a Reply

Your email address will not be published. Required fields are marked *