Hansı biznes sıradan çıxacaq? (4-cü hissə)

Oxunma sayı: 104

Hansı biznes sıradan çıxacaq? (4-cü hissə)

3-ci hissəni oxumaq üçün keçidə daxil olun

Unikal böhran iqtisadiyyatın strukturunu yenidən quracaq: bir seqmenti öldürəcək, digərini isə yaradacaq. Yeni dünyada hansı biznes və peşələrə tələbat olacaq və hansı biznes tükənmək təhlükəsi altında qalacaq?

Yüksək texnologiyalar sahəsində startaplar

Bütün planetin ucuz peyk interneti ilə əhatə olunacağını vəd edən Britaniyanın startapı koronavirusa görə bazarların qeyri-sabitlik şəraitində lazımi maliyyələşməni cəlb edə bilmədiyindən, iflasla bağlı müraciət edib. Ehtimal ki, onun ardınca digərləri də eyni müraciətlə çıxış edəcəklər, Pavel Siqal belə hesab edir. “İlk növbədə, indi yüksək texnologiyalar sahəsində istiqamətlər, xüsusilə startaplar sıradan çıxacaq, – Siqalın təxmini belədir. – Silikon vadisində böyük yenidənqurma başlanıb: IT – sahəsində texnoloji açılım hesab edilən strartaplar maliyyəsiz qaldıqlarından, bağlanırlar. Böyük hesabla demək olar ki, post-sənaye dövrünə keçid baş tutmadı – dünya ötən əsrin 50-ci illərindəki sistemə tərəf sürünməkdədir”.

Müsbətdə olanlar

Qənaət seqmentləri

Böhran, gəlirlərin azalması və işsizlik yeni reallıqlarda daha çox tələb olunan qiymət seqmentinə dəqiq işarə edir. “Obyektiv olaraq iqtisadiyyatın və aşağı orta seqmentində sənayenin artımını və sürətli bərpasını proqnozlaşdırmaq olar”, – Zalogoff.com lombardlar birliyinin rəhbəri Sergey Zemelkin belə söyləyir. Söhbət baza komfortu üçün zəruri hesab olunan mallardan (ərzaq məhsulları, benzin, məişət texnikası, tikinti materialları, avtomobil ehtiyat hissələri) gedir. Xidmət sahəsində isə bunlar məsələn, bərbərlər, avtomobil servisləri, tibbi və stomatoloji xidmətlərdir”. Xüsusilə də inşaat sahəsi daha tez bərpa olunacaq, çünki bir çoxları bu il məzuniyyətə getməyib, öz bağ evlərində dincəlməyə üstünlük verəcəklər.

Bəs yerdə qalan reteyllər? Briskly şirkətinin yaradıcısı hesab edir ki, bu sahə bütövlükdə daha sürətlə özünü bərpa edən seqmentlər sırasında olacaq. Nümunə kimi isə o, Çində açılan mağazaları misal gətirir və həmin mağazalara böyük insan axını olduğunu söyləyir.

“Özünütəcriddə insanlar mağazalardan adi hallardan orta hesabla 30% az onlayn mal alırdılar, – Xaritonov sözünə davam edir. – Səbəb: onlardan ötrü mağazada malları nəzərdən keçirərkən, aldıqları təmas və emosional təcrübə çox vacibdir. Yaddan çıxarmayın ki, bazarlıq etmək, həm də bir əyləncədir”. Buna misal kimi o, karantindən dərhal sonra açılan və 2,7 mln dollar qazanc əldə edən Hermes mağazasını nümunə gətirir.

Avtomatlaşdırma və məsafədən satışlar

Karantin insanların həm istehlak, həm də iş vərdişlərini dəyişdirib. Özünütəcrid dövrü başa çatdıqdan sonra tələb olunan yerə çatdırılma seqmenti biznesin lider istiqamətlərindən birinə çevriləcək. Buna görə, çatdırılmanı inkişaf etdirən və evlərində qalmağa məcbur olan istehlakçıların sədaqətini qazanan şirkətlər lider olacaq. Amma eyni zamanda, məsfədən biznesi dəstəkləyən bütün peşələr və istiqamətlər qazanacaqlar. Elektron satışların, genişzolaqlı internetin və s. daha da artacağını gözləmək olar. Avtomatlaşdırma ilə məşğul olan bütün bizneslər güclü addımlarla inkişaf edəcək.