"İri dövlət şirkətlərinin gəlirlər və xərclər smetaları haqqında" Qanunda dəyişiklik edildi

Oxunma sayı: 82

AZƏRBAYCAN RESPUBLİKASININ
NAZİRLƏR KABİNETİ
Q Ə R A R
№ 284
Bakı şəhəri, 5 iyul 2018-ci il
“İri dövlət şirkətlərinin gəlirlər və xərclər smetaları
haqqında” Azərbaycan Respublikası Nazirlər Kabinetinin
2016-cı il 30 dekabr tarixli 534 nömrəli qərarında
dəyişikliklər edilməsi barədə

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “İşsizlikdən sığorta haqqında” Azərbaycan Respublikasının 2017-ci il 30 iyun tarixli 765-VQ nömrəli Qanununun tətbiqi barədə” Azərbaycan Respublikası Prezidentinin 2017-ci il 5 avqust tarixli 1569 nömrəli Fərmanının 1.3-cü bəndinə əsasən Azərbaycan Respublikasının Nazirlər Kabineti QƏRARA ALIR:

“İri dövlət şirkətlərinin gəlirlər və xərclər smetaları haqqında” Azərbaycan Respublikası Nazirlər Kabinetinin 2016-cı il 30 dekabr tarixli 534 nömrəli qərarında (Azərbaycan Respublikasının Qanunvericilik Toplusu, 2016, №12, maddə 2249; 2017, №7, maddə 1497; 2018, №1, maddə 124) aşağıdakı dəyişikliklər edilsin:

4-cü hissədə “Fazil Məmmədov” sözləri “Mikayıl Cabbarov” sözləri ilə əvəz edilsin.
Həmin qərarla təsdiq edilmiş 1 nömrəli əlavə – “Gəlirlər və xərclər smetaları hazırlanmalı, təsdiq edilməli və icrası üzrə monitorinq aparılmalı olan iri dövlət şirkətlərinin Siyahısı”nın 11-ci hissəsində “Bakı Telefon Rabitəsi” İstehsalat Birliyi” sözləri “Bakı Telefon Rabitəsi” Məhdud Məsuliyyətli Cəmiyyəti” sözləri ilə əvəz edilsin.

Həmin qərarla təsdiq edilmiş 2 nömrəli əlavə – “İri dövlət şirkətlərinin gəlirlər və xərclər smetalarının tərtibi Qaydası” üzrə:

3.1. 1.6-cı bəndin ikinci cümləsində “və işçilərin məcburi dövlət sosial sığorta haqları müvafiq olaraq 2.2.1-2.2.4-cü” sözləri “, işçilərin məcburi dövlət sosial sığorta haqları və işçilərin işsizlikdən sığorta haqları müvafiq olaraq 2.2.1-2.2.5-ci” sözləri ilə əvəz edilsin;

3.2. 1.7-ci bənd aşağıdakı redaksiyada verilsin:

“1.7. “Əməkhaqqı fondundan məcburi ödənişlər (2.3.)” bəndində əmək ödənişinə (gəlirə) nisbətdə faizlə müəyyən edilən və sığortaedənin vəsaiti hesabına ödənilən məcburi dövlət sosial sığorta haqqı və işsizlikdən sığorta haqqı xərcləri əks etdirilir.”;

3.3. aşağıdakı məzmunda 1.7-1-ci bənd əlavə edilsin:

“1.7-1. “Hesablanmış əməyin ödənişi fondundan işsizlikdən sığorta haqqı (2.3.2.)” bəndində “İşsizlikdən sığorta haqqında” Azərbaycan Respublikasının Qanununda nəzərdə tutulmuş qaydada sığortaedən tərəfindən sığortaçıya ödənilməli olan sığorta haqqı üzrə xərclər əks etdirilir.”;

3.4. həmin Qaydaya əlavənin cədvəl hissəsi üzrə:

3.4.1. aşağıdakı məzmunda 2.2.5-ci yarımbənd əlavə edilsin:

“2.2.5. işçilərin əmək haqqından işsizlikdən sığorta haqqı (0,5 %)”;

3.4.2. 2.3-cü bənd aşağıdakı redaksiyada verilsin:

“2.3. Əməkhaqqı fondundan məcburi ödənişlər

2.3.1. əməkhaqqı fondundan məcburi dövlət sosial sığorta haqqı (22 %);

2.3.2. hesablanmış əməyin ödənişi fondundan işsizlikdən sığorta haqqı (0,5 %)”.

Azərbaycan Respublikasının
Baş naziri Novruz Məmmədov

Mənbə: cabmin.gov.az