» » » Məkrli Baş mühasib

Məkrli Baş mühasib

Mühasibat uçotunun ümumi prinsiplərinə görə, vergilərin ödənilməsinə və bütün sənədlərin tərtib olunmasına görə məsuliyyət müəssisə rəhbərinin üzərinə düşür. Baş mühasibi isə yalnız bu işlərdə şərik kimi cinayət məsuliyyətinə cəlb etmək olar. Amma, elə də ola bilər ki, cinayəti mühasib törətsin və şübhə altında isə müəssisə rəhbəri qalsın.

Rusiyada baş verən bir cinayət əməlini nümunə gətirək, dərzi atelyesinin təcrübəli baş mühasibi Valentina İvanenko direktoru gözdən salmaq və sonra onun yerini ələ keçirmək naminə məqsədyönlü şəkildə bəzi sənədləri hesaba almamağa başlayır. Müəssisə rəhbərini yalnız bir məqam xilas edə bilib. Belə ki, baş mühasibin mənzilində qəfil axtarış aparan vergi polisi lazım olan sənədləri məhz, oradan tapa bilmişdi. Vergi polisinin əməkdaşları müəssisə direktorunun nəzarətsizliyi və etibarı üzündən baş mühasibin öz rifahının necə yüksəldiyinin bilavasitə şahidi olublar. Direktorun imzası olan blank-çeklərə istədiyi məbləği yazan və sonradan həmin vəsaitləri bank hesabından çıxararaq mənimsəyən qadın mühasib, öz rəhbərinin kreslosuna əyləşməyi planlaşdırıbmış. Mühasibatlıqdakı öz çirkin əməllərini isə saxtakarlıq yolu ilə ört-basdır etməyə müvəffəq ola bilibmiş.

Belə-belə işlər. Hər halda tədbirli olmaq və mühasibi diqqətdən kənarda qoymamaq pis olmazdı.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Leave a Reply

Your email address will not be published. Required fields are marked *