Milyonerlərin özünəməxsus 9 xüsusiyyəti (2-ci hissə)

posted in: Məqalə, Xəbər | 0

MilyonerMilyoner şəxslərlə bağlı hər birimizin öz fikri var. Bəzilərinə elə gəlir ki, onları bu uğur zirvəsinə taleyin təsadüfi şıltaqlığı çıxarıb. Digərləri bu şəxsləri başqa cür görür, onlardan mifik qəhrəmanlar düzəldirlər, hansı ki, əfsanəvi igidlikləri və ciddi səyləri nəticəsində öz sərvətlərini toplaya biliblər. Təbii ki, hər bir milyonerin öz uğur tarixçəsi və öz sirrləri var, amma, onları birləşdirən hansısa cizgilər də vardır ki, bunu onların demək olar ki, hamısında görmək mümkündür.

Milyonerlərin özünəməxsus 9 xüsusiyyəti (1-ci hissə) 
2-ci hissə 
Çoxlu gəlir mənbələrinə malik olurlar

Baxmayaraq ki, milyonerlər özlərini tamamilə öz başlıca layihələrinə cəmləyirlər, bu onlara bir neçə müxtəlif gəlir mənbəyinə malik olmalarına maneçilik törətmir. Onlar gözəl anlayırlar ki, şirkətlərinin yaşaması üçün bir neçə dayağa söykənməlidirlər. Milyonerlər həmişə öz fəaliyyətlərini diversifikasiya etməyə səy göstərir, buraxılan məhsulların çeşid sayını artırır, yeni bazarlar əldə edirlər ki, istənilən iqtisadi tufanlar zamanı üzməkdə davam edə bilsinlər.

Həmçinin bax: Sən niyə heç vaxt varlı olmayacaqsan?!

Təhsilin dəyərliliyini bilirlər

Baxmayaraq ki, bəzi milyonerlərin uğura təhsilləri olmadan çatdıqlarını hamımız bilirik, bunlar qayda deyil, sadəcə istisna hallardır. Milyonerlərin böyük əksəriyyətinin dəyərləndirdiyi başlıca sərvət, məhz, biliklərdir. Və bəziləri ilk mərhələdə təhsillə bağlı kənarda qalmışlarsa da, sonrakı dövrdə həyatlarında buraxılan bu boşluğu doldurmağa çalışmış və təhsil də almışlar. Oxumaq qabiliyyəti və arzusu milyonerlərin xarakterinin başlıca cizgilərindən biridir.

Özlərini varlı hiss etmirlər

Varlı insanların böyük əksəriyyəti qarşılarına ən varlı şəxslər olmaq məqsədi qoymayıblar. Pullar onlar üçün bir qayda olaraq, sevimli işləri ilə məşğul olmaqdan ötrü xoş bir bonus rolunu oynayıb. Onları təkmil məhsul hazırlamaqdan ötrü ən yaxşı kitabı yazmaq, yeni bir ideya düşünmək maraqlandırır və yalnız ikinci növbədə sərvətə çatmaq kimi fikirlər narahat edir.

Varlı kimi nəzərə çarpmaq istəmirlər

Gözə kül üfürmək, öz qızıl suyuna salınmış avtomobili ilə hamını heyrətləndirmək kimi hallar belə adamlara yaddır. Yalnız təsadüf nəticəsində sərvətə sahib olmuş avaralar belə edə bilər. Həqiqətən də varlı adamlar bu kimi snobizm hallarına tamamilə biganədirlər, onlar sakitcə adi maşınlarda gəzir və çox təvazökar evlərdə yaşayırlar. Bu adamlar daha çox öz bizneslərinə və işlərinə vaxt ayırırlar, belə ki, onların bu cür qərarsızlıqlara heç zamanları da olmur. Və onlar əyinlərinə taxdıqları köhnə cinslərinə kənardakıların nə deyə biləcəklərindən, ümumiyyətlə narahat belə deyillər.

Təkbaşına milyoner olmaq olmur

Milyonerlərin böyük əksəriyyəti olduqca sərbəst və kifayət qədər var-dövlətə malikdirlər, lakin bu o demək deyildir ki, onlar bütün bunlara təkbaşına nail olublar. Əksinə, onların hər biri yeni tanışlıqlar qurmaq, əlaqələrindən istifadə etmək, öz komandasına adamlar toplamaq kimi qabiliyyətlərə malik olublar. Onlar biləndə ki, hər hansı bir işin öhdəsindən özləri gələ bilməyəcəklər,  böyük məmnuniyyətlə kömək üçün mütəxəssislərə müraciət edirlər. O səbəbdən, əgər siz həqiqətən uğura çatmaq istəyirsinizsə, onda ilk növbədə insanlarla qarşılıqlı əlaqələr qurmağı, sadə dillə desək dil tapmağı öyrənməlisiniz.

Bu gün bütün dünya üzrə milyonlarla milyoner var. Onlar insan fəaliyyəti ilə bağlı tamamilə fərqli sahələrdə uğur qazanmış müxtəlif adamlardır. Amma, buna baxmayaraq, onların böyük əksəriyyəti biz bu məqalədə qeyd etdiyimiz ümumi xarakerli cizgilərə malikdirlər. Özünüzdə bu keyfiyyətləri inkişaf etdirin və mümkündür ki, siz də onlardan biri ola bilərsiniz.

Keçidə daxil olmaqla məqalənin 1-ci hissəsini oxuya bilərsiniz.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Print Friendly, PDF & Email

Leave a Reply

Your email address will not be published. Required fields are marked *