Mühasibat fəaliyyəti - rəqəmsal texnologiyalar

Oxunma sayı: 151

Mühasibat və audit fəaliyyətində rəqəmsal texnologiyalar (III hissə)
II hissəyə nəzər yetirmək üçün keçidə daxil olun

baş mühasib, vakansiya, Son zamanlar tutulan vəzifələrə tələblər əhəmiyyətli dərəcədə artıb və prinsipcə yeni hesabat formaları meydana çıxıb. Bu da əmək bazarının bəzi seqmentlərində iş həcminin əhəmiyyətli dərəcədə artmasına səbəb olub.

Bu cür inteqrasiyanın əlavə müsbət cəhəti informasiyanın qorunmasının təmin edilməsidir ki, bu da mühasibat uçotunun aparılması qaydasına yeni tələbləri nəzərə alaraq, məlumatların toplanması, mübadiləsi və sənəd dövriyyəsinin aparılması prosesində müşahidə edilməli olan əsas meyarlardan biridir.

Gilbertin nöqteyi-nəzərincə mühasibatlıq işçiləri öz fəaliyyətlərində yalnız digər bölmələrin işçilərindən gələn məlumatları rəhbər tutmalıdırlar. Başqa sözlə, bu məlumatlara əsaslanaraq, mühasib mühasibat uçotunun aparılması siyasətini işləyib hazırlayır, müvafiq rəy verir. Maliyyə hesabatlarının düzgün aparılmasını təmin edir. Bütün bu məlumatların faktiki olaraq mühasibatlıq və şirkətin sənəd dövriyyəsinin bir hissəsi olduğu barədə danışmağa dəyərmi?

Beləliklə, Gilbert iddia edir ki, rəqəmsal texnologiya əlavələrindən istifadə yalnız müəssisələrdə mühasibat uçotunun düzgün aparılmasını təmin etməyə, işçi heyəti arasında daha sıx və qarşılıqlı əlaqəni təmin etməyə, mühasibat və maliyyə hesabatlarının keyfiyyətini əhəmiyyətli dərəcədə artırmağa imkan verəcək, həm də sənəd dövriyyəsi sisteminin düzgün aparılmasına kömək edəcək. O, həmçinin deyir ki, auditor yoxlamasının əsas meyarı müəssisələrdə sənəd dövriyyəsinin aparılmasının keyfiyyəti və aparılma qaydasıdır. Ona görə də bu cür texnologiyalardan istifadə auditorlar tərəfindən loyallığı təmin edəcək.

KeyBank tərəfindən istifadə olunan mühasibat uçotunun aparılması sahəsində biznes-proseslərin xüsusiyyətlərinə gəlincə, əsas diqqət təkcə uçot siyasətinin aparılması və idarə edilməsi aspektlərinə deyil, həm də yaxın perspektivdə mümkün dəyişikliklərin proqnozlaşdırılması sisteminə yönəldilib.

Sonuncu tələb məcburidir. Çünki ona riayət olunması zəruri hesabatın formalaşmasının prinsipcə yeni modellərinə vaxtında keçidi təmin etməyə imkan verəcək. Məsələn, söhbət PVH-nin (pul vəsaitlərinin hərəkəti) və GvX-in (gəlir və xərclər) hesabatlarından və ya Sarbana-Oksli Qanunu (SOQ) ilə şirkətin daxili nəzarət sisteminin təmin edilməsi sahəsində irəli sürülən bütün aspektlərin, tələblərin və meyarların nəzərə alınmasının zəruriliyindən gedir.

Gilbertin sözlərinə görə, vahid rəqəmsal sistem daxilində prinsipial olaraq müxtəlif alətlərin inteqrasiyası müxtəlif istifadəçi qruplarının onlara lazım olan informasiyaya çıxışını təmin edəcək. Beləliklə, bir şirkət çərçivəsində bütün biznes proseslərini birləşdirəcək.