Regionda ilk dəfə PAŞA Bank çirkli pulların yuyulmasının qarşısını almaq məqsədi ilə NICE Actimize proqram təminatını təqdim etdi

posted in: Xəbər | 0

PAŞA Bank, kredit,Azərbaycanın aparıcı korporativ bankı – PAŞA Bank qanunsuz gəlirlərin leqallaşdırılmasına qarşı mübarizə aparan müasir proqram təminatının yaradılmasını uğurla həyata keçirmişdir. Dünyanın müxtəlif növ maliyyə cinayətlərinə qarşı mübarizə vasitələri hazırlayan şirkətlərdən biri olan NICE Actimize tərəfindən yaradılan bu proqram regionda ilk dəfə olaraq PAŞA Bank tərəfindən təqdim edilmişdir.

​Hərtərəfli bir proqram həllinin köməyi ilə NICE Actimize Banka Müştəri əməliyyatlarının və məlumatların qorunmasını daha yüksək səviyyədə təmin etməyə, çirkli pulların yuyulmasına qarşı mübarizə sahəsində bütün aparıcı standartlara və təcrübələrə riayət etməyə, habelə əməliyyatlarının bu sahədəki beynəlxalq qanun və qaydalara uyğunluğunu təmin etməyə imkan verir. NICE Actimize proqram təminatının tətbiq olunan komponentləri Banka əməliyyat xərclərini azaltmağa, bu sahədə fəaliyyətlərin avtomatlaşdırılmasına, şəxslərin və təşkilatların şübhəli əməliyyatlarının erkən mərhələlərdə aşkarlanmasını təmin etməyə imkan verir. Bu texnoloji həll fırıldaqçılıq nəticəsində maliyyə itkisi ehtimalını da aradan qaldırır və tənzimləmə sanksiyalarından yayınır. Beləliklə, NICE Actimize-də quraşdırılmış proqram maliyyə mənbələri ilə bağlı mümkün olan qeyri-qanuni hərəkətlərə qarşı effektiv şəkildə mübarizə aparır və müştəri əməliyyatlarının qorunma səviyyəsini artırır.

PAŞA Bankın İdarə Heyətinin sədri Taleh Kazımovun sözlərinə görə, 2018-2020-ci illər üçün Bankın inkişaf strategiyası PAŞA Bank-ın biznes modelinin transformasiyasını və yüksək texnoloji həllərdən fəal istifadəsini nəzərdə tutur.
“Bunu nəzərə alaraq dəyişən tənzimləmə tələblərinə və mümkün təhdidlərə operativ reaksiya vermək üçün maliyyə qurumları təhlükəsiz, etibarlı və eyni zamanda çirkli pulların yuyulmasına qarşı çevik vasitələrə ehtiyac duyur. Bu sahədəki liderlərdən biri olan NICE Actimize-dən yeni hərtərəfli bir həllin tətbiqi PAŞA Banka maliyyə axınının şəffaflığının təmin edilməsi üzərində nəzarəti daha da gücləndirməyə və həm Azərbaycanda, həm də xaricdəki müştərilərinin maksimum qorunmasını təmin etməyə imkan verəcəkdir “

Qeyd edək ki, NICE Actimize şirkətinin hərtərəfli həlli Barclays, Scotiabank, Societe Generale, Union Bank, Brown Brothers Harriman və dünyanın digər aparıcı maliyyə qurumlarında tətbiq olunaraq uğurla istifadə edilmişdir. PAŞA Bankın əməliyyat fəaliyyətinə bu proqram təminatının yeridilməsi NİCE-nin rəsmi ortağı – Türkiyənin 3-D Bilişim Teknoloji şirkəti tərəfindən həyata keçirildi.


TELEGRAM KANALIMIZA ÜZV OLUN


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Print Friendly, PDF & Email

Leave a Reply

Your email address will not be published. Required fields are marked *