Qeyri-rezidentə göstərilən marketinq xidmətləri ƏDV-yə 0 (sıfır) faizlə cəlb edilməlidir?

posted in: Vergi, Xəbər | 0

ƏDV bəyannaməsi,Sual: Azərbayncan rezidenti hüquqi şəxsə qeyri-rezident təşkilata Azərbaycan bazarı haqqında marketinq araşdırması edir, (təhlükəsizlik sistemlərinin marketinq tədqiqatı, Məlumatların emalı və təhlili, təhlükəsizlik sistemləri üzrə analitik hesabatın hazırlanması) elektron və ya kagız daşıyıcısı formasında təqdim edir və bununla bağlı qarşı tərəfdən gəlir əldə edir.

Sual olunur ki, təqdim edilən xidmətlər ƏDV-yə cəlb edilirmi və bu xidmətlər üçün rezident təşkilat ƏDV qeydiyyatına durmalıdırmı? (Əgər xidmətlərin dəyəri illik 200 min manatı aşırsa).

Cavab: Bildiririk ki, Vergi Məcəlləsinin 165.1.3-cü maddəsinə əsasən malların və bu Məcəllənin 168.1.5-ci maddəsində göstərilmiş xidmətlərin ixracına görə ƏDV sıfır (0) dərəcə ilə tutulur.

Vergi Məcəlləsinin 168.1.5-ci maddəsinə əsasən məsləhət, hüquq, mühasibat, mühəndis və ya reklam xidmətlərinin, həmçinin məlumatların işlənilməsi üzrə xidmətlərin və digər analoji xidmətlərin göstərilməsi bilavasitə bu xidmətlərin alıcısının olduğu yerdə ƏDV-yə cəlb edilir.

Onu da qeyd edək ki, bu fəaliyyəti həyata keçirən şəxslərin ardıcıl 12 aylıq dövrün istənilən ayında (aylarında) vergi tutulan əməliyyatlarının həcmi 200.000 manatdan artıq olduğu halda, onlar ƏDV-nin məqsədləri üçün qeydiyyata alınır və əməliyyatları ƏDV-yə sıfır (0) dərəcə ilə cəlb olunur.

Eyni xidmətlər rezidentə göstərildiyi zaman, xidmətlərin göstərildiyi yer Azərbaycan Respublikası hesab olunur və xidmətlərə görə edilən ödənişlərdən 18 faiz dərəcə ilə ümumi qaydada ƏDV-yə cəlb olunur.

Əsas: Vergi Məcəlləsinin 155.1-ci, 159-cu, 165-ci və 168-ci maddələri.

Mənbə: taxes.gov.az


Bax:


TELEGRAM KANALIMIZA ÜZV OLUN


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Print Friendly, PDF & Email

Leave a Reply

Your email address will not be published. Required fields are marked *