Hindistan hökuməti spirtli məhsulların pərakəndə satış qiymətinin 70%-i həcmində vergi tətbiq edib. Bu haqda Reuters agentliyi məlumat verib.
Agentliyin məlumatına görə, buna səbəb ölkədə şərab mağazalarının açılmasından sonra alıcılardan ibarət böyük növbələrin yaranması, eləcə də sosial məsafə tədbirlərinə əməl olunmamasıdır. Hindistanda spirtli içkilr satılan mağazalar may ayının 4-dən yenidən fəaliyyətə başlayıblar.
Hakimiyyət ehtiyat edir ki, alıcıların toplaşması üzündən yaranan növbələr zamanı koronavirusun yayılması riski yenidən baş qaldıra bilər.
“Təəssüflər olsun ki, Dehlinin bəzi mağazalarında əsl xaos yaşanır… Əgər biz istənilən rayonda sosial məsafəyə əməl olunmaması və ya digər normaların pozulması halları ilə bağlı məlumat alsaq, onda həmin rayonu bağlamaq və yenidən orada karantin rejimini tətbiq etmək məcburiyyətində qalacağıq”, – Dehli administrasiyasının başçısı Arvind Kyrival belə bəyan edib.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
