Xoşbəxt insanların uğur formulaları
Nigel Cumberland
Əvvəlki hissəni oxumaq üçün keçidə daxil olun.
4-cü hissə
Emosional intellektinizi göstərin
Həyatın 10 faizi sizinlə baş verənlərdən və 90 faizi – sizin buna necə reaksiya verməyinizdən ibarətdir.
Charles Swindoll
Siz nə vaxtsa düşünülməmiş reaksiyalarınıza, dərhal qəzəbləndiyinizə, paxıllıq etdiyinizə və ya tez qıcıqlandığınıza görə özünüzü qınamısınız? Emosiyalarınıza nəzarəti itirmək sizin həyat uğurlarınızı kökündən məhv edə bilər. Uğurlu və uğursuz insanlar arasında fərq bəzən elə bunda gizlənir.
Zəif emosional intellektin təzahürlərini biz çox yerdə müşahidə edirik: kimsə avtobusda söyüş söyür, kimsə ötənlərin gözü qarşısında uşağının üstünə qışqırır, kimsə pis sözlərlə rəisini təhqir edir və işdən çıxmaq barədə ərizəni üstünə tullayır…
Buna baxmayaraq, emosional intellekt – harmonik həyatı təşkil edən bir zərurətdir. Bu yaxşı valideyn, partnyor və ya həmkar olmaq bacarığının əsasıdır. Və əksinə – düşünülməmiş reaksiya bir anda uğurlu karyera, nikah, ailə və ya şəxsi biznesi yerlə-yeksan edə bilər.
Həyatda özünə uğuru təmin etmək üçün, heç kimi məyus etmək, kədərə qərq etmək və qorxutmaq lazım deyil. Bundan ötrü isə emosiyalara nəzarət etməyi öyrənmək lazımdır. Hətta özünüzdən çıxdığınız anlarda belə qəzəbin şiddətinə uymayın, hər şeyi dərk edərəkdən, özünüz üzərində nəzarəti itirmədən edin. Düşünülməmiş reaksiyaları özünüzə yaxın buraxmayın. Axı, həmişə qəfil emosional davranışlarınıza görə üzr istəyərək yaşamaq olmaz.
Özünüzü digər bir adamın yerinə qoyub və situasiyaya onun gözləri ilə baxmaq – bu yüksək emosional intellekt və inkişaf etmiş empatiyanın əlamətidir. Özlərini başqasının yerinə qoymağı bacaran insanlar nadir hallarda özlərinə nəzarəti itirirlər və bu onlara həyatın gətirdiyi hər bir şeyin öhdəsindən gəlməkdə kömək edir.
Emosional intellekt – harmonik həyatın vacib bir komponentidir.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Fəaliyyət üçün təlimat
Reaksiya verməzdən öncə pauza edin
Baş verənlərə anında və avtomat kimi reaksiya verməyin, axı siz buna görə təəssüflənə bilərsiniz. Həmin dəqiqələrdə, reaksiya verməzdən öncə, hətta düşüncənizdə belə fasilə verməyə çalışın.
Bir neçə saniyə ərzində heç nə deməyin və əgər ayaq üstə dayanmısınızsa, əyləşin, axı biz oturduqda daha təmkinli və sakit oluruq. Hətta sizdən anında reaksiya gözləsələr belə, vaxtı uzatmağa çalışın və təxminən belə söyləyin: “Düşünmək üçün mənə bir az vaxt verin”.
Bizim həddindən artıq emosional reaksiyalarımız – yorğunluq, ifrat iş və ya stressin nəticəsidir. Məşqçi kimi insanlara kömək edərkən, mən onlara problemləri düşünmədən yatmağı və həmin məsələlərə ertəsi günü reaksiya verməyi məsləhət görürəm. Misal üçün, kiməsə xoşagəlməz məktub yola salmaq istəyirsinizsə və bu sizə çox çətin gəlirsə, ən yaxşısı qaralama şəklini hazırlamaq və bir neçə gün gözləmək lazımdır, məktubu göndərməzdən öncə yazdığınızı oxuyub, bir daha düşünmək üçün özünüzə müəyyən zaman ayırın.
Başqalarına qarşı həssas olun
Digərlərinin özünü necə hiss etdiyini və başqalarının sənə nə demək istədiyini başa düşmək – maraqlı qabiliyyətdir. Bizlər bu cür qabiliyyətə məxsus belə insanları uzun müddət xatırlayırıq və məhz, buna görə onları sevirik. Sizi hansı davranış modeli ruhlandırır?
Həqiqətən səmimi olmaq – o demək deyil ki, nəhayət başqa bir insanı başa düşə biləcəksən. Sadəcə bu anlyışı başa düşməyə can atmaq lazımdır. Təbii, öz vaxtını bir başqasına həsr etmək, ona diqqət ayırmaq, onların özünü necə hiss etdiyini və hər şeyin öhdəsindən gəlib-gəlmədiklərini soruşmaq müəyyən cəhdlər tələb edir. Heç vaxt yaxın adamlarınızı yaddan çıxarmayın. Onları dəyərləndirin. Uşaqlar, valideynlər, həmkarlarla söhbətləşmək üçün vaxt tapın.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Mühasibat, Audit və Kadr Xidmətləri üçün linkə daxil olun.
