Bir çox illər ərzində dünyanın neft ticarəti ilə məşğul olan ən böyük şirkəti korrupsiyaya “tamamilə dözümsüz” olduğunu iddia edirdi. İndi isə Vitol İnc saxta şirkətlər şəbəkəsi vasitəsilə rüşvət verdiyini etiraf edib, bu haqda Bloomberg xəbər verib.
ABŞ və Braziliyanın tənzimləyici orqanlarına 160 milyon dollardan bir qədər çox pul ödəməyə razılaşan Vitol, 2005 və 2020-ci illər arasında, on ildən artıq bir müddətdə dövlət məmurlarına rüşvət verdiyini bildirib. Neft ticarətçisi məhkəmə təqibinin təxirə salınması müqabilində bunu etiraf edən ifadələr verib.
2005-ci ildən 2014-cü ilə qədər şirkət Petrobras rəhbərlərinə səkkiz milyon dollardan artıq rüşvət verib. Bunun əvəzində Braziliya neft şirkətinin vəzifəli şəxsləri Vitol-a öz tenderləri, o cümlədən rəqiblər tərəfindən təqdim edilən qiymətin ən yüksək dərəcələri barədə məlumatlar veriblər. Hazırda ABŞ və Braziliya səlahiyyətliləri də Vitol-a rəqib olan və oxşar cinayətlərdə şübhəli bilinən Glencore Plc və Trafigura Group Ltd-ə qarşı araşdırma aparırlar.
Bundan əvvəl Vitol şirkətinin avtomobillərin ikinci əl satışına başlayacağı və həmin avtomobilləri Türkiyə və Pakistanda satmağı planlaşdırması barədə məlumat verilmişdi. Ekspertlər qeyd edirlər ki, bu startap – dünyanın ən iri enerji treyderlərinin biznesi diversifikasiya etməyə çalışmalarının nümunəsidir.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
