Sual: Qanunvericiliyə uyğun olaraq rəsmləşdirilmiş barter əməliyyatı zamanı ƏDV necə əvəzləşdirilir? (Qeyd edim ki, barter zamanı bir tərəf digər tərəfə borcun əsas məbləğini ödəmir).
Qanunvericiliyə uyğun olaraq rəsmləşdirilmiş A müəssisəsinin B müəssisəsinə həm debitor borcu həmdə kreditor borcu varsa qarşılıqlı razılaşmaya əsasən əsas məbləğlər əvəzləşdirildikdə əsas məbləğlər qarşılıqlı bank hesabına ödənilmədikdə “0” dərəcə ilə ƏDV necə əvəzləşdirilir?
Bax: Xarab olmuş malların silinməsindən hansı halda vergi öhdəliyi yaranır?
Cavab: Bildiririk ki, barter müqaviləsi əsasında əməliyyatlar aparılarkən, habelə debitor və kreditor borclarının əsas məbləği ödənilməyərək qarşılıqlı qaydada əvəzləşdirilərkən həmin əməliyyatlara görə verilmiş elektron vergi hesab-fakturaları üzrə ƏDV məbləğləri ƏDV-nin depozit hesabına nağdsız qaydada ödənildiyi halda həmin məbləğlər əvəzləşdirilir.
Bax: Vergi Məcəlləsinin 175.1-ci və 176-cı maddələri.
Mənbə: taxes.gov.az